Tags-Dil

ajiib chiiz mohabbat kī vārdāt bhī hai
hadīs-e-dil bhī hai rūdād-e-kā.enāt bhī hai

jabīñ pe gard-e-kudūrat mirā usuul nahīñ
jafā-e-ahl-e-zamāna pe dil malūl nahīñ

jā rahe ho to mire ḳhvāb bhī lete jaao
dil ujāḌā hai to āñkhoñ ko bhī sahrā kar do

bulbul kā uḌāyā dil nāhaq ye ḳhām-ḳhayālī phūloñ kī
letī hai talāshī bād-e-sabā ab Daalī Daalī phūloñ kī

ham apne dil meñ dāġhoñ ko yuuñ dekhte haiñ yuuñ dekhte haiñ
kartā hai nigahbānī jaise gulzār meñ maalī phūloñ kī

dil hai vīrān bayābāñ kī tarah
gosha-e-shahr-e-ḳhamoshāñ kī tarah

dīvār-e-jāñ girā ke hī niklegī yād-e-yār
ek meḳh jaise dil ke hai andar gaḌhī huī

mire lafz mere lahū kī lau
mire dil kī lai jise nūr-e-nai kī talāsh hai

dil ko shāyad nahīñ yārā-e-vafā
varna kyuuñ terī jafā yaad aa.ī

dil ke ḳhuuñ hone kī jab baat chalī
us kī ḳhushbū-e-hinā yaad aa.ī

ye dil ab mujh se thoḌī der sustāne ko kahtā hai
aur āñhkeñ muuñd kar har baat dohrāne ko kahtā hai

vo shorish-e-ġham-e-dil jis ke lai nahīñ koī
ġhazal kī dhan meñ sunāo ki jashn kā din hai

qāsid nahīñ ye vaqt savāl-o-javāb kā
ab haal ġhair hai dil-e-ḳhāna-ḳharāb kā

kyā ātish-e-firāq ne dil par asar kiyā
in āñsuoñ meñ mere mazā hai kabāb kā

kyuuñ tumhāre saath chalne par na āmāda ho dil
ḳhushbū-e-ehsās mere ham-safar lagte ho tum

mubtalā aise hī ḳhush-vaz.oñ ke hote haiñ 'nazīr'
be-qarār o dil-figār o ḳhasta-hāl be-vatan

shikva-e-jaur-o-jafā lab pe agar aa jaa.e
dil pe harf aatā hai dildār pe harf aatā hai

ek titlī jism halkā bojh rañgoñ par gayā
khīñch kar har aañkh ne dil meñ utārā dekh le

dil hai jo bārūd kā ghar suukh kar tayyār hai
aab se kah do na ab koī sharārā dekh le

hāl-e-dil likhte na logoñ kī zabāñ meñ paḌte
vaj.h-e-añgusht-numā.ī ye qalam hai ham ko