Tags-Dil

huā hai nairañg aaj kaisā ye dil meñ qātil ke kyā Thanī hai
jidhar se guzrā zabāñ se niklā ye kushtanī hai vo kushtanī hai

bigaḌ ke ham ko bigāḌ Daalā sañvārnā hī tumheñ na aayā
bano jo munsif batā.eñ dilbar ki is bigaḌne se kyā banī hai

karam hai dariyā-diloñ kī zīnat kahāñ baḳhīloñ kī hai ye tīnat
use tavañgar nahīñ kaheñge jo koī mohtāj-e-dil ġhanī hai

fanā-e-qalbī hai fat.h-e-ainī huā hai gar mahv sharh-e-sadrī
yahī hai miftāh-e-dil-kushā.ī ye kashf-e-bātin kī jāñkanī hai

na hoñ ġharābt-asar ye ai dil nuqūsh-e-nairañg-e-shān-e-fitrat
koī huā be-niyāz-e-ālam koī hai muflis koī ġhanī hai

mā-sivā-e-kār-āh-o-ashk kyā hai ishq meñ
hai savād-e-āb-o-ātish diida o dil ke qarīb

dil kā ahvāl pūchhte kyā ho
ḳhaak uḌtī hai ābgīne meñ

saare dil ek se nahīñ hote
farq hai kañkar aur nagīne meñ

mere dushman ke dil meñ jo barsoñ se hai
vo ḳhalā bhī maiñ ik roz bhar jā.ūñgā

muqaddar āzmātā jā rahā huuñ
maiñ tujh se dil lagātā jā rahā huuñ

ba-rañg-e-husn-e-butāñ hai dil-e-shagufta mirā
jo is chaman meñ ḳhizāñ ho to phir bahār na ho

ai dil-e-dard-āshnā husn se rasm-o-rāh kar
ishq hai bā.is-e-najāt shauq se to gunāh kar

husn tire huzūr ḳhud aa.e ba-iztirāb-e-dil
ai dil-e-dard-āshnā aisī bhī ek aah kar

qalb-e-paivandi-e-ġham to hogī
shahr meñ koī dhaḌaktā huā dil

ai mire dil kī raushnī to yūñhī jagmagā.e jā
mere jahān-e-shauq par kaif ban ke chhā.e jā

terī nazar kā hai ḳhumār kahte haiñ jis ko duḳht-e-raz
dil kī havas kā vāsta mast nazar pilā.e jā

tujh se nigāh milte hī dil se to haath dho chuke
ab hai faqat ye aarzū jaan se bhī miTā.e jā

kuchh is qadar hai ġham-e-zindagī se dil māyūs
ḳhizāñ ga.ī to bahāroñ meñ jī nahīñ lagtā

milnā kis kaam kā agar dil na mile
chalnā bekār hai jo manzil na mile

kahne ko to har baat kahī tere muqābil
lekin vo fasāna jo mire dil pe raqam hai