Tags-Dil

mire dāġh-e-dil vo charāġh haiñ nahīñ nisbateñ jinheñ shaam se
unheñ tū hī aa ke bujhā.egā ye jale haiñ tere hī naam se

kabhī mai-kade pe jo dil rahā tire āshiqoñ kī nazar paḌe
use kahiye bāda-e-ma.arifat jo chhalak paḌe abhī jaam se

kahīñ uTh ke jā.ūñ maiñ kyuuñ 'fanā' ki payām us kā milā mujhe
jo milā kabhī to milegā vo mujhe dard-e-dil ke maqām se

qurbān 'hasan' aise faqīroñ pe mirā dil
jo peḌ ke pattoñ ko darī karne lage haiñ

lab se dil kā dil se lab kā rābta koī nahīñ
hasrateñ hī hasrateñ haiñ mudda.ā koī nahīñ

hāl-e-zār aisā ki dekhe se taras aane lage
sañg-dil itne ki hoñToñ par duā koī nahīñ

dil ke Duube se miTī dast-e-shanāvar kī sakat
mauj kī tuġhyāniyoñ se Dūbtā koī nahīñ

mire pahlū se jo nikle vo mirī jaañ ho kar
rah gayā shauq dil-e-zār meñ armāñ ho kar

shoḳhiyāñ us nigah-e-zer-e-mizha kī mat pūchh
dil-e-āshiq meñ khubī jaatī hai paikāñ ho kar

ḳhud apne aap se bhī maiñ rahā huuñ begāna
hisār-e-dil meñ kisī kā ḳhayāl aisā thā

nasīm-e-sub.h-e-bahār aa.e dil-e-hazīñ ko qarār aa.e
kalī kalī le ke muñh-añdhere sabāhat-e-rū-e-yār aa.e

usī kī ḳhātir ḳhizāñ-zada dil ne jāma-e-chāk apnā badlā
ki jashn-e-jamhūr inqilāb-e-chaman kā ā.īna-dār aa.e

kar pahle dil pe qaabū jaame kī phir ḳhabar le
dāman bachāne vaale jaatī hai āstīñ bhī

dil kī ek ik hasrat chhoḌ kar huī ruḳhsat
hā.e-re ye sannāTā hā.e-re ye ghar tanhā

dāman-e-mohabbat par dil kā ḳhuun bhī hogā
terā ġham manā.egī kaise chashm-e-tar tanhā

dil bhī dāman hai phailāo sar-e-shab
motī sī bārish barsāo sar-e-shab

'qamar' apne dāġh-e-dil kī vo kahānī maiñ ne chheḌī
ki sunā kiye sitāre mirā raat bhar fasāna

mat mardumak-e-dīda meñ samjho ye nigāheñ
haiñ jam.a suvaidā-e-dil-e-chashm meñ aaheñ

kis dil pe hai azm-e-saf-e-mizhgān-e-ḳhud-ārā
ā.īne ke pāyāb se utrī haiñ sipāheñ

hairat-kash-e-yak-jalva-e-ma.anī haiñ nigāheñ
khīñchūñ huuñ suvaidā-e-dil-e-chashm se aa.heñ