Tags-Dil

sivā-e-huzn-o-hazīmat jagah nahīñ dil meñ
agar vo pher bhī de lashkar-o-nishāñ mujh ko

ghar jo be-yār hai vīrāñ to tasavvur meñ mudām
ḳhāna-e-dil ko ham ābād kiyā karte haiñ

rashk se naam nahīñ lete ki sun le na koī
dil hī dil meñ use ham yaad kiyā karte haiñ

jis kai ishq kī ham par tohmateñ lagāte ho us hasīn paikar par
ham ne dil hī khoyā hai tum jo dekhte shāyad vaar dete jaañ logo

har taraf kū-e-butāñ meñ hasratoñ kā hai hujūm
ek dil laa.e the ham to apnā armānoñ ke saath

āshiqoñ ke dil meñ shab fānūs raushan ho ga.e
sham.a kā jiinā hai lāzim apne parvānoñ ke saath

jab itnī bevafā.ī par dil us ko pyaar kartā hai
to yā-rab vo sitam-gar bā-vafā hotā to kyā hotā

hamīñ ne un kī taraf se manā liyā dil ko
vo karte uzr to ye aur bhī girāñ hotā

hasīn qadmoñ se lipTī huī kashish thī jahāñ
vahīñ thā dil bhī 'razā' aur dil kahāñ hotā

hoñToñ kī hañsī bin ga.e jo zaḳhm the dil meñ
sūrat koī jab aur na iz.hār kī niklī

jān-o-dil se 'munīr' sadqa hai
nahīñ dekhā hai ab tak aisā peT

hai dil ke naġhma o naala se ab gurez mujhe
milā huā hai kisī aur lai se taar mirā

dil ko baitullāh kahtā hai jahāñ
is ko ai but manzilat manzil samajh

ḳhūn-e-dil hai surḳh-rūī kā nishāñ
mujh ko bismil apnā ai qātil samajh

tum to bas tark-e-ta.alluq ke liye aa hī ga.e
ab ke is dil ne magar baat baḌhā.ī huī hai

dekh ujḌe hue manzar abhī dil-soz nahīñ
aur kuchh roz yūñhī rañg-e-ḳhizāñ rahne de

chand gumnām sī yādoñ kī mahak hai dil meñ
is ḳharābe meñ ye gul-hā-e-ḳhizāñ rahne de

bahut buland mirī pāsbāñ fasīleñ thiiñ
dhaḌakte dil ko mire phir bhī Dar kisī kā thā

mere ġhubār ne to tire dil meñ kī hai jā
go merī musht-e-ḳhāk se dāman kī ta.iiñ tū jhaaḌ

zindagī meñ us ko kaif-e-zindagī hāsil nahīñ
jis kā dil rāz-o-niyāz-e-ishq ke qābil nahīñ