Tags-Dil

qadr kar dil kī ki dargāh-e-ḳhudā meñ ai nadīm
do-jahāñ kī ne.amateñ hāzir haiñ lekin dil nahīñ

hai tasavvur ishrat-e-māzī kā ā.īna-ba-dast
dil vahī dil hai magar vo garmī-e-mahfil nahīñ

der kyā hai aa mire dil meñ samā jā barq-e-nāz
shikva-sanjī fitrat-e-ehsān meñ dāḳhil nahīñ

vo ajnabī sā ravayya vo dil-shikan andāz
jab un ke hoñToñ pe ilzām bhī nahīñ hotā

kaun kahtā hai maiñ sahrā meñ huuñ maiñ tishna huuñ
ḳhūn-e-dil roz bahā roz hī barsāt huī

aur phir dil ne us ko chhoḌ diyā
jab ta.alluq bahāl thā hī nahīñ

zindagī bhī mire nāloñ kī shanāsā niklī
dil jo TuuTā to mire ghar meñ koī sham.a jalī

dard ke biij bo liye rañj-o-alam ugā liye
ishq meñ dil kī maan kar ham ne ye gul khilā liye

mire dil kā TūTnā phūTnā
terī dil-lagī kā sabab huā

soz-e-junūñ ko dil kī ġhizā kar diyā gayā
ik zahr-e-jāñ-talab ko davā kar diyā gayā

nigāh ke shoḳh-pan ko begānagī kā aaseb Das gayā hai
muġhāyrat kā fusūñ-zada dil junūñ ke shāyāñ rahā nahīñ hai

chupke se mire dil ne kahā kaan meñ kal shab
yuuñ haath uThātā hai koī ishq-e-butāñ se

ābād hai is dil kā jahāñ jis ke qadam se
vo mujh ko pukāre hai kisī aur jahāñ se

vo ek sā.at-e-ma.asūm dil kī parvarda
mukar ga.ī hai magar e'tibār kartī huī

asīrī ne chaman se merī dil-garmī ko dho Daalā
vagarna barq jā kar āshiyāñ merā jalā aave

hamāre dil meñ aane se takalluf ġham ko bejā hai
ye daulat-ḳhāna hai us kā vo jab chāhe chalā aave

ba-rañg-e-bū-e-ġhuncha umr ik hī rañg meñ guzre
mayassar 'mīr'-sāhib gar dil be-mudda.ā aave

jo rañg-e-ishq se fāriġh ho us ko dil nahīñ kahte
jo maujoñ se na Takrā.e use sāhil nahīñ kahte

ba-rañg-e-rishta-e-tasbīh dil se raah hai dil ko
bhaTak jaa.e jo is jaade se us ko dil nahīñ kahte

kar diyā bedār jis ne sākinān-e-arsh ko
vo kisī dard-āshnā dil kī sadā thī maiñ na thā