Tags-Dil

rahe zarā dil-e-ḳhūñ-gashta par nazar 'anjum'
usī sadaf se ajab kyā guhar nikal aa.e

fasl-e-gul aane pe ho jaatī hai vīrānī duur
dil ḳharābe se ḳharābāt meñ aa jaatā hai

kisī pahlū nahīñ ārām aatā tere āshiq ko
dil-e-muztar taḌaptā hai nihāyat be-qarārī hai

gae tum duur jab se dil ye kahtā hai karo tauba
maza aatā nahīñ ḳhud hī uThā kar jaam piine meñ

ba-sad aarzū jo vo aayā to ye hijāb-e-ishq se haal thā
ki hazāroñ dil meñ thiiñ hasrateñ aur uThānā aañkh muhāl thā

diyā khā ke aap ne paan jo dil-e-mubtalā huā surḳh-rū
use samjhā peT kā bojh vo jo tumhāre muñh kā ugaal thā

guzar chalī hai shab-e-dil-figār āḳhirī baar
bichhaḌne vaale haiñ yāroñ se yaar āḳhirī baar

jo apne mubtalā hoñ aur dil se chāhte hoñ
lāzim nahīñ phir un se rukiye hijāb kiije

fuġhāñ ai dushman-e-dār-e-dil-o-jāñ
mirī hālat sudhārī jā rahī hai

hai siine meñ ajab ik hashr barpā
ki dil se be-qarārī jā rahī hai

dil us ke rū-ba-rū hai aur gum-sum
koī arzī guzārī jā rahī hai

vo yaad ab ho rahī hai dil se ruḳhsat
miyāñ pyāroñ kī pyārī jā rahī hai

tirī marham-nigāhī ai masīhā
ḳharāsh-e-dil pe vaarī jā rahī hai

tū ne duniyā kī havas dil meñ basā rakkhī hai
tere īmān se baḌh kar tirī daulat kyā hai

raah pe pahre nutq pe qadġhan shauq kī yūrish dil kī dhaḌkan
boltī nazreñ bojhal palkeñ ġhamgīñ chehra kyā nahīñ dekhā

phuul sī bāheñ larzāñ siina saañs ulajhte bholī bāteñ
nīchī nazreñ pahlī laġhzish dil kā taqāzā kyā nahīñ dekhā

'yāvar' ham ko pā na sakoge jaise ab haiñ aise kab the
dil kī nazākat jurm-e-mohabbat kufr-e-tamannā kyā nahīñ dekhā

sho.ala-e-dil bujhā ke dekh liyā
aarzū ko miTā ke dekh liyā

dil kā jo zaḳhm thā charāġh banā
āñsuoñ ko chhupā ke dekh liyā

sar meñ saudā bhī nahīñ dil meñ tamannā bhī nahīñ
lekin is tark-e-mohabbat kā bharosā bhī nahīñ