Tags-Dil

bahut qarīb ho tum phir bhī mujh se kitnī duur
ki dil kahīñ hai nazar hai kahīñ kahīñ tum ho

vafā bhī jis pe hai nāzāñ vo bevafā tum ho
jo kho ga.ī hai mire dil kī vo sadā tum ho

ik be-vafā ko pyaar kiyā haa.e kyā kiyā
ḳhud dil ko be-qarār kiyā haa.e kyā kiyā

vo dil ki jis pe qīmat-e-kaunain thī nisār
nazr-e-nigāh-e-yār kiyā haa.e kyā kiyā

dil ne bhulā bhulā ke tirī bevafā.iyāñ
phir ahd ustuvār kiyā haa.e kyā kiyā

kāfir kī chashm-e-nāz pe kyā dil-jigar kā zikr
īmān tak nisār kiyā haa.e kyā kiyā

hālat kahūñ apnī be-ḳhudī kī
dil de ke suno jo mere jī kī

masrūf hai sīna-kūbī meñ dil
aatī hai sadā dhaḌā-dhaḌī kī

be-yār hai dil kabāb-e-sāqī
taklīf na kar tū mai-kashī kī

maiñ kyuuñ karūñ kisī ko makīn-e-makān-e-dil
maiñ kyuuñ kahūñ kisī se ki tū ghar mirā bigāḌ

dil le gayā hai mujh kuuñ de ummīd-e-dil-dahī
zālim kabhī to lā.egā merā liyā huā

jo dil se kahā hai jo dil se sunā hai
sab un ko sunāne ke din aa rahe haiñ

abhī se dil o jaañ sar-e-rāh rakh do
ki luTne luTāne ke din aa rahe haiñ

chalo 'faiz' phir se kahīñ dil lagā.eñ
sunā hai Thikāne ke din aa rahe haiñ

musallam murġh-e-dil hai mehmān-e-ġham
kare jald ai ḳhudā vo ye ġhizā chaT

ābla-pā.ī hai mahrūmī hai rusvā.ī hai
us but-e-nāz kā dil phir bhī tamannā.ī hai

lab pe phir naam vahī husn vahī āñkhoñ meñ
ai dil-e-zār yahī terī shakebā.ī hai

dil jahāñ baat kare dil hī jahāñ baat sune
kār-e-dushvār hai us tarz meñ kahnā achchhā

us ghar meñ karam jab tū ne kiyā kuchh der Thahar ai tīr-e-nazar
bosa tire qadmoñ kā dil ne kis shauq se ai mehmān liyā

ye ilāhī kaisā ġhazab huā vo samā.e mujh meñ to kyā hue
mirā dil bane to taḌap ga.e mirā sar bane to judā hue