Tags-Dil

nahīñ ki chāra-e-dard-e-nihāñ nahīñ ma.alūm
dil-e-hazīñ ko ho manzūr haañ nahīñ ma.alūm

jalā dil aur huā raakh muddateñ guzrīñ
ye ab uThā hai kahāñ se dhuāñ nahīñ ma.alūm

na jaane kaun sī manzil pe hai ki gum haiñ havās
dil-e-hazīñ hai kahāñ ham kahāñ nahīñ ma.alūm

ġham-o-malāl se paayā kabhī na dil ne farāġh
qafas milā ki hameñ āshiyāñ nahīñ ma.alūm

yaas meñ bedārī-e-ehsās kā aalam na pūchh
Thes yuuñ lagtī hai dil pe ta.ana-e-hamrāz se

dil dukhoñ ke hisār meñ aayā
jabr kab iḳhtiyār meñ aayā

de use bhī faroġh-e-husn kī bhiik
dil bhī lag kar qatār meñ aayā

jo bhī mazlūm hai dil us ke liye rotā hai
merī har saañs meñ hai shor-e-fuġhāñ aaj kī raat

aaj phir us dil-nashīñ par aa gayā hai
dil jahāñ thā phir vahīñ par aa gayā hai

mere armāñ to na minnat-kash-e-jāñ hoñge
dil se nikleñge to vo ġhair ke armāñ hoñge

dil meñ rah rah ke khaTakte jo haiñ kāñToñ kī tarah
ġhāliban aap ke kho.e hue paikāñ hoñge

ik din vo mil ga.e the sar-e-rahguzar kahīñ
phir dil ne baiThne na diyā umr bhar kahīñ

dil se tauba kare agar 'sāhil'
terī tauba qubūl ho jaa.e

shaam tujh par hazār sher kahūñ
dil ko phir bhī qarār aatā nahīñ

'azfarī' ġhuncha-e-dil band aur aa.ī hai bahār
sair-e-gul ko ki ye shāyad ba-takalluf khil le

kulfat-e-hijr ko kyā ro.uuñ tire sāmne maiñ
dil jo ḳhālī ho to āñkhoñ meñ ġhubār aa jaa.e

mahv-e-dildār huuñ kis tarah na huuñ dushman-e-jāñ
mujh pe jab nāseh-e-bedard ko pyaar aa jaa.e

Thahar jā josh-e-tapish hai to taḌapnā lekin
chārasāzoñ meñ zarā dam dil-e-zār aa jaa.e

manzaroñ se bahalnā zarūrī nahīñ ghar se bāhar nikalnā zarūrī nahīñ
dil ko raushan karo raushanī ne kahā raushnī ke liye ek taaza ġhazal

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ