Tags-Dil

mujh ko rusvā kareñgī ḳhuub ai dil
ye tirī iztirāb kī bāteñ

qissa-e-zulf-e-yār dil ke liye
haiñ ajab pech-o-tāb kī bāteñ

muddat huī hai mad.h-e-hasīnāñ kiye hue
nūr-e-suḳhan se dil ko charāġhāñ kiye hue

ḳhuuñ kar ke le chalā huuñ dil-o-jāñ ko apne saath
dīdār-e-rū-e-yār kā sāmāñ kiye hue

aañkh khulte hī ajab dhaḌkā sā dil ko lag gayā
vo kahāñ sapnoñ meñ thā jo un kī ta.abīroñ meñ hai

irāda hai maiñ likhūñ fasāna kisī kī kuchh dil-shikastagī kā
qalam shikasta paḌā kidhar hai kahāñ hai koī davāt merī

idhar banī hai dil-e-hazīñ par udhar to sargarm-e-nāz haiñ vo
koī ye aa kar tamāshā dekhe adā hai un kī mamāt merī

maiñ Thahartā gayā rafta rafta
aur ye dil apnī ravānī meñ rahā

ab kashmakash ke bojh kī tāqat nahīñ rahī
ab dil meñ koī aas na jaage ḳhudā kare

vo hukm de rahe haiñ magar sochte nahīñ
kis tarah koī dil ko jigar se judā kare

kitne sachche dil se ham ne
apnā apnā jhuuT kahā thā

rahzanoñ meñ nāz-o-ġhamza kī ye jins-e-dīn-o-dil
juuñ matā-e-burda āḳhir ham-digar baT jā.egī

kar le ai dil jaan ko bhī ranj-o-ġham meñ tū sharīk
ye jo mehnat tujh pe hai kuchh kuchh magar baT jā.egī

uf vo ik harf-e-tamannā jo hamāre dil meñ thā
ek tūfāñ thā ki barsoñ hasrat-e-sāhil meñ thā

dāstān-e-ġham se lākhoñ dāstāneñ ban ga.ī
phir bhī vo ik rāz-e-sar-basta rahā jo dil meñ thā

guftugū ke ḳhatm ho jaane par aayā ye ḳhayāl
jo zabāñ tak aa nahīñ paayā vahī to dil meñ thā

'sād' logoñ se tavaqqo ho to kis baat pe ho
muuñg chhātī pe mire roz vo dal kar dekheñ

dil to kahtā hai use lauT ke aanā hai yahīñ
ye dilāsā mujhe pāgal nahīñ hone detā

dard shāyān-e-shān-e-dil bhī nahīñ
aur shab-e-hijr mustaqil bhī nahīñ

har kisī se ye mel kyuuñ khaa.e
dil to phir dil hai āb-o-gil bhī nahīñ