Tags-Dil

charāġh-o-sham.a bazm-e-yār kar kar ġhair ko phūñkā
dil-e-afsurda meñ āḳhir harārat aa hī jaatī hai

nahīñ kuchh dil kā phirnā ahd-e-dushman se tirā phirnā
magar kuchh soch kar āḳhir muravvat aa hī jaatī hai

judā rahtā huuñ maiñ tujh se to dil be-tāb rahtā hai
chaman se duur rah ke phuul kab shādāb rahtā hai

chhupā.ūñ kyuuñ na dil meñ ḳhātim-e-gauhar-nigār us kī
yahī le de ke mere paas hai ik yādgār us kī

hañgāma huā barpā ik jaam agar TuuTā
dil TuuT ga.e lākhoñ āvāz nahīñ aa.ī

is zamāne kī yahī ek haqīqat hai 'jyotī'
log rasman hī sahī dil se nibhāte bhī nahīñ

us kī ḳhushbū se tilismāt kā dar khulne lagā
dīda-o-dil qad-o-gesū ke havāle hue haiñ

āñsuoñ tak dil ne pahuñchā dī ḳhabar
rāzdārī bā.is-e-shohrat huī

kar liye raushan vahīñ dil ke charāġh
raah meñ haa.il jahāñ zulmat huī

āñkhoñ ke ḳhvāb dil kī javānī bhī le gayā
vo apne saath merī kahānī bhī le gayā

kaise hamvār ho nibāh kī raah
dil muḳhālif ḳhayāl āmāda

patthar bane khaḌe the tajassus ke dasht meñ
dil gum tilism-e-shauq kī hairāniyoñ meñ thā

karam tumhārā koī be-ġharaz nahīñ hotā
hai dil tumhārī mehrbāniyoñ se ḳhauf-zada

ka.aba banā.iye ki kalīsā banā.iye
dil sā makāñ havāle kiyā hai janāb ke

mire vāste jahāñ meñ koī dilkashī nahīñ hai
ki tire baġhair jiinā koī zindagī nahīñ hai

vo nazar nazar nahīñ hai na ho jis meñ aks terā
koī dil hai vo bhī jis meñ ġham-e-āshiqī nahīñ hai

mire dil ke daaġh tū hī zarā aur lau baḌhā de
shab-e-ġham hai tiira tiira kahīñ raushnī nahīñ hai

mirī baat sun ke 'aḳhtar' sunī an-sunī na kar do
ye hadīs-e-jān-o-dil he nirī shā.irī nahīñ hai

jaane kis chaah ke kis pyaar ke gun gaate ho
raat din kaun se dildār ke gun gaate ho

mujhe sāqī-e-chashm-e-yār ne ajab ek jaam pilā diyā
ki nashe ne jis ke ġham-e-jahāñ mire dil se saaf bhulā diyā