Tags-Dil

kisī aarzū kī rahī nahīñ hai mire dil meñ kuchh bhī samā.e ab
mujhe sāqiyā mai-e-lutf se tū ne kyā hī ḳhuub chakhā diyā

na faqat tumhārī nigāh ne mire dil ko haath se le liyā
ki tumhārī zulf-e-darāz ne mujhe sau balā meñ phañsā diyā

maiñ fidā-e-ḳhādim-e-shāh huuñ dil-o-jān se 'āsim' jis ne ab
jise būjhnā hī muhāl thā use ek pal meñ sūjhā diyā

jahān-e-dil meñ sannāTā bahut hai
samundar aaj kal pyāsā bahut hai

dil kā shīsha saaf kiyā to
is meñ terā chehra dekhā

dil vo majzūb muġhannī ki jalā detā hai
ek hī aah se har ḳhvāb ko jal-thal kar ke

aadmī ko dard-e-dil kī qadr karnī chāhiye
zindagī kī talḳhiyoñ meñ lutf paidā kar diyā

'shahzād' dostī meñ bhalā kyā milā tumheñ
ho ahl-e-dil to dil kā janāza nikāl do

dil guzargāh-e-ḳhayāl-e-mai-o-sāġhar hī sahī
gar nafas jāda-e-sar-manzil-e-taqvī na huā

dil-lagī aur chiiz hotī hai
dilbarī aur chiiz hotī hai

havas-e-dil meñ ḳhudā jaane ki kyā lazzat hai
ki jo lab se na kabhī harf-e-tamannā chhūTā

kaisā maqām aayā mohabbat kī raah meñ
dil ro rahā hai merā magar aañkh tar nahīñ

dar ye dil kā khul gayā hai ḳhud-ba-ḳhud hī aaj kyuuñ
un kī nazroñ ne kiyā hai kuchh ishāroñ se alag

ik zarā jhūTī tasallī hī sahī
kuchh to samjhā do dil-e-nāshād ko

vahshat-e-dil koī shahroñ meñ samā saktī hai
kaash le jaa.e junūñ sū-e-bayābāñ mujh ko

vo habīb ho ki rahbar vo raqīb ho ki rahzan
jo dayār-e-dil se guzre use ham-kalām kar lo

uThā dī qaid-e-maz.hab dil se ham ne
qafas se tā.ir-e-idrāk niklā

ham is ke ba.ad bhī sargarm-e-zindagī haiñ ki dil
bas ek qatra-e-tāza-lahū se zinda hai

tammat-ba-ḳhair dil kī shikāyat kī dāstāñ
hoñToñ ko sī diyā nigah-e-sharmsār ne

uTh rahā hai harīm-e-dil se dhuāñ
luT rahā hai suhāganoñ kā suhāg