Tags-Dil

ghaT rahī haiñ mere dil kī quvvateñ
ab ye shāyad āḳhirī fariyād hai

dekhiye anjām-e-kār-kā.enāt
dil mirā phir mā.il-e-fariyād hai

ham kis shab-e-siyāh ke dāman meñ bas ga.e
terī ziyā-e-ruḳh ko dil-o-jāñ taras ga.e

ujḌe the dil so ujḌe hue haiñ kuchh aur bhī
kyā kyā na varna kūcha-o-bāzār bas ga.e

hai hijr-e-dostāñ bhī karam dard-e-jāñ-fazā
āñkhoñ meñ jo base the vo ab dil meñ bas ga.e

mohabbat kis se ham karte haiñ kuchh batlā nahīñ sakte
ye hai vo raaz jis meñ dil ko bhī mahram nahīñ karte

fareboñ se kahāñ tak dil ko ham 'āzād' bahlā.eñ
sarāb-e-dasht shiddat tishnagī kī kam nahīñ karte

daaġh dil chamkā to ġham paidā huā
ye añdherā sub.h-dam paidā huā

ik umr dil ke paas rahā vo magar kahīñ
jab bhī milā to jaise ki kuchh jāntā nahīñ

ḳhvāboñ meñ sub.h-o-shām mile bhī agar to kyā
do-chār phuul dil meñ khile bhī agar to kyā

lazzat-e-dard-e-alam hī se sukūñ aa jaa.e hai
dil mirā un kī navāzish se to ghabrā jaa.e hai

dil kī dil hī meñ rahī ye hasrat-e-dīdār bhī
merī nazreñ uThte hī vo mujh se sharmā jaa.e hai

kyā sahar hone se pahle hī firāq-e-jān hai
dil mirā kuchh shaam hī se aaj baiThā jaa.e hai

sar meñ saudā dil meñ dard ā.ankhoñ meñ ashk
bastiyāñ ham ko basānī aa ga.iiñ

dil meñ lākhoñ daaġh raushan ho ga.e
ishq ko sham.eñ jalānī aa ga.iiñ

ai dil-e-rāhat-talab hoshyār-bāsh
sā.ateñ ab imtihānī aa ga.iiñ

dil lagā kar phañs ga.e zahmat meñ ham
thiiñ balā.eñ jitnī aanī aa ga.iiñ

sunā bhī kabhī mājrā dard-o-ġham kā kisī dil-jale kī zabānī kaho to
nikal aa.eñ aañsū kaleja pakaḌ lo karūñ arz apnī kahānī kaho to

tamannā-e-dīdār hai hasrat-e-dil ki tum jalva-farmā ho maiñ āñkheñ sekūñ
na kah denā muusā se jaise kahā thā mirī arz par lan-tarānī kaho to

maiñ kyā karūñ mire qātil na chāhne par bhī
tire liye mire dil se duā nikaltī hai