Tags-Dil

tere pahlū meñ tire dil ke qarīñ rahnā hai
merī duniyā hai yahī mujh ko yahīñ rahnā hai

dil kī jāgīr meñ merā bhī koī hissa rakh
maiñ bhī terā huuñ mujhe bhī to kahīñ rahnā hai

jaise sab dekh rahe haiñ mujhe us tarah na dekh
mujh ko āñkhoñ meñ nahīñ dil meñ makīñ rahnā hai

lutf o karam ke putle ho ab qahr o sitam kā naam nahīñ
dil pe ḳhudā kī maar ki phir bhī chain nahīñ ārām nahīñ

jitne muñh haiñ utnī bāteñ dil kā pata kyā ḳhaak chale
jis ne dil kī chorī kī hai ek usī kā naam nahīñ

jalva o dil meñ farq nahīñ jalve ko hī ab dil kahte haiñ
yaanī ishq kī hastī kā āġhāz to hai anjām nahīñ

kab se paḌī haiñ dil meñ tere zikr kī saarī rāheñ band
barsoñ guzre is bastī meñ rasm-e-salām-o-payām nahīñ

had thī ye betābi-e-dil kī jāniye ab kyā honā hai
sabr kī had bhī hone aa.ī sub.h nahīñ yā shaam nahīñ

dil pe apnā bas nahīñ chaltā un kī shikāyat kyā kiije
aap ham apne dushman Thahre dost pe kuchh ilzām nahīñ

dil se kisī kī āñkhoñ tak kuchh raaz kī bāteñ pahuñchī haiñ
aañkh se dil tak aayā ho aisā to koī paiġhām nahīñ

dil meñ jab ehsās kā sho.ala farozāñ ho gayā
nuur afshāñ har charāġh-e-bazm-e-imkāñ ho gayā

is tarah merī bahār-e-zindagī ruḳhsat huī
dil ujaḌ kar rah gayā āġhosh vīrāñ ho gayā

hāl-e-dil ham sunāte haiñ hañste ho tum
ham nahīñ bolte tum se ab jā.iyo

dil ko vīrāna kahoge mujhe ma.alūm na thā
phir bhī dil hī meñ rahoge mujhe ma.alūm na thā

chup jo huuñ koī burī baat hai mere dil meñ
tum bhī ye baat kahoge mujhe ma.alūm na thā

jo dil par bojh hai yārab zarā bhī kam nahīñ hotā
zamāna ġham to detā hai sharīk-e-ġham nahīñ hotā

shahr-e-dil pe chhā.e haiñ dasht-e-ġham ke sannāTe
kitnī ārzūeñ haiñ sab kī sab magar ḳhāmosh

aql o dil apnī apnī kaheñ jab 'ḳhumār'
aql kī suniye dil kā kahā kījiye

koī tahrīr miTā.eñ to dhuāñ uThtā hai
dil vo bhīgā huā kāġhaz hai ki jaltā hī nahīñ

ahd is kūcha-e-dil se hai so us kūche meñ
hai koī apnī jagah ham jise barbād rakheñ