Tags-Dil

mere siine pe zarā dast-e-hinā rakh do tum
dil meñ ab ishq kā ḳhurshed javāñ hai jānāñ

hikāyat-e-ishq se bhī dil kā ilaaj mumkin nahīñ ki ab bhī
firāq kī talḳhiyāñ vahī haiñ visāl kī aarzū vahī hai

bahut girāñ hai mire shab-o-roz par ye rañg-e-visāl 'sājid'
magar vahī be-kalī hai dil kī dimāġh ko justujū vahī hai

abhī tanhā vo guzrī hai yahāñ se
hazāroñ dil dhaḌakte rah ga.e haiñ

ba-zāhir ik nayā-pan aa chukā hai
magar ye dil purāne rah ga.e haiñ

jo sadā husn kī aqlīm meñ mumtāz rahe
dil ke ā.īne meñ utrī hai vo tasvīr ab ke

dil to merā thā magar ye mujhe ma.alūm na thā
ye kisī aur kī jāgīr bhī ho saktī hai

dil ko barbād nahīñ karnā ki is meñ phir se
ḳhvāhishoñ kī na.ī ta.amīr bhī ho saktī hai

na chheḌ ai dil javānī kī kahānī
kisī kī dil-sitānī kī kahānī

tire dil meñ bhī haiñ kudūrateñ tire lab pe bhī haiñ shikāyateñ
mire dostoñ kī navāzisheñ mire dushmanoñ kī ināyateñ

ye hai turfa sūrat-e-dostī ki nigāh-e-dil hama barf haiñ
na vo baada hai na vo zarf haiñ na vo harf haiñ na hikāyateñ

kisī kī yaad se dil kā añdherā aur baḌhtā hai
ye ghar mere sulagne se munavvar ho nahīñ saktā

huuñ muztarib tirī gum-gashta aarzū ke liye
dukān-e-dil se dur-e-be-bahā gayā hai mirā

asīr-e-gumbad-e-be-dar paḌā huuñ muddat se
mire hī dil pe vo pahra biThā gayā hai mirā

ik subū aur ki lauh-e-dil-e-mai-noshāñ par
kuchh nuqūsh-e-sahar-o-shām abhī baaqī haiñ

intizār ai dil-o-dīda ki hazāroñ asrār
saa.e kī tarah tah-e-jām abhī baaqī haiñ

vaa.e nādānī-e-dil is ne mohabbat kar ke
ranj-o-ġham mol liye baiThe-biThā.e kyā kyā

saare aalam se mire ġham kā hai afsāna judā
dil ke mātam ke liye chāhiye ġham-ḳhāna judā

ai ḳhudā kashmakash-e-yās-o-tamannā kab talak
un ke rahne ke liye dil meñ ho har ḳhāna judā

ḳhushk ho jaa.e jo baaqī hai rag-e-jāñ meñ lahū
dil se honā na abhī ai ġham-e-jānāna na judā