Tags-Dil

ham sabr-o-razā ke bande haiñ jo tum ne kiyā sab jhel liyā
ab dil meñ bhī afsos nahīñ ab lab par bhī haihāt nahīñ

kuchh rañj nahīñ kuchh fikr nahīñ duniyā se alag ho baiThe haiñ
dil chain se hai ārām se hai ālām nahīñ āfāt nahīñ

dil kū-e-butāñ meñ jā baiThā dam ḳhāna-e-tan ko chhoḌ gayā
haif āḳhir-e-kār rafīq apnā ye bhī na huā vo bhī na huā

kheñch us ko na laayā jazba-e-dil tāsīr na kuchh naale hī ne kī
maiñ donoñ kā bas shākī hī rahā ye bhī na huā vo bhī na huā

us lab kā liyā bosa na kabhū haihāt na lipTā pāvoñ se
dil tujh se ba-rañg-e-pān-o-hinā ye bhī na huā vo bhī na huā

tañgi-e-dil kā gila kyā ye vo kāfir-dil hai
ki agar tañg na hotā to pareshāñ hotā

najāt-e-rūh bhī arzāñ nushūr-e-dil kī tarah
huā hai sahl zamīroñ ke daaġh dhonā bhī

'azīz' kaisī ye saudāgaroñ kī bastī hai
garāñ hai dil se yahāñ kaaTh kā khilaunā bhī

dil ke zaḳhm jalte haiñ dil ke zaḳhm jalne do
ham ko Thokareñ khā kar aap hī sambhalne do

dil taab hī laayā na Tuk tā yaad rahtā ham-nashīñ
ab aish roz-e-vasl kā hai jī meñ bhūlā ḳhvāb sā

rakh haath dil par 'mīr' ke daryāft kar kyā haal hai
rahtā hai aksar ye javāñ kuchh in dinoñ betāb sā

dil ḳhuub samajhtā hai tire harf-e-karam ko
har-chand vo urdu hai na turkī hai na taazī

phir junūñ ko vus.at-e-aflāk hai koh-e-nidā
ai dil-e-dīvāna dasht-e-pur-ḳhatar kaafī nahīñ

jo zid pe aa jaa.e dil to us kī bhī maan lenā
purānī yādeñ bahut satā.eñ to lauT aanā

aa dil meñ tujhe kahīñ chhupā luuñ
logoñ kī nigāh se bachā luuñ

kyuuñ tujh pe gumān-e-be-vafā.ī
kyuuñ apne hī dil kī bad-duā luuñ

aa.ine kī dhund saaf kar ke
kyuuñ ḳhud ko na hāl-e-dil sunā luuñ

abhī armān kuchh baaqī haiñ dil meñ
mujhe phir āzmāyā jā rahā hai

tajziya dil-nashīñ ḳhayāloñ kā
hai ġhazāloñ kī justujū karnā

tazkira in kī dil-navāzī kā
aur phir mere rū-ba-rū karnā