Tags-Dil

kahānī maiñ sunātī roz ik us ko rihā.ī kī
qafas meñ qaid dil ko ḳhvāb dikhlānā zarūrī thā

hazāroñ hasrateñ haiñ ḳhvāhisheñ haiñ qaid jab dil meñ
mujhe pā kar tirā un ko bhī to paanā zarūrī thā

kiyā botal meñ dil ko qaid phir pheñkā samundar meñ
mire siine se dil kā duur ho jaanā zarūrī thā

yaksāñ lageñ haiñ un ko to dair-o-haram baham
jo pūjte haiñ dil meñ ḳhudā-o-sanam baham

ye qit.a paḌhe thā soz-e-dil se
saudā ke jo raat ghar ga.e ham

dil to kyā chiiz hai patthar bhī pighal jaa.e magar
jazba-e-ishq meñ tere vo harārat hī nahīñ

gulshan-e-dil pe ḳhizāoñ kā tasallut hai 'nigār'
koī ḳhvāhish koī armāñ koī chāhat hī nahīñ

kisī kī bevafā.ī ke fasāne
sunātā hai dil-e-nākām ham ko

us ne phir pheñk dī baġhair paḌhe
mere dil kī kitāb paanī meñ

tirī samajh meñ na aa sakegī kisī ke ashkoñ kī qadr-o-qīmat
abhī hai nā-āshnā-e-ġham tū abhī tirā dil dukhā nahīñ hai

ḳhudā-na-karda tumhāre dil ko koī dukhā.e to kyā karoge
nigāheñ tum ne to aisī pherīñ ki jaise merā ḳhudā nahīñ hai

ye mere fan kī talab hai ki dil kī baat kahūñ
vo 'ashk' de ki zamāne ko inqilāb na de

shām-e-ġham dard-e-dil baḌhāne ko
chāñd ke saath chāñdnī aa.ī

jab ḳhafā hotā hai to yuuñ dil ko samjhātā huuñ maiñ
aaj hai nā-mehrbāñ kal mehrbāñ ho jā.egā

agarche va.ada nahīñ phir bhī jaane kyoñ 'āmir'
ye dil usī kī hī aahaT pe kaan rakhtā hai

mizha-e-multafit-e-yār hai badnām abas
us ne to dil kā bas ik chaak siyā andar se

koī bāhar bhī to dekhe mirī gulgūñ ashk
dil kī pur-ḳhūnī ne kyā rañg kiyā andar se

ab ek dard bhī dil meñ nazar nahīñ aatā
kisī ke kaam koī umr-bhar nahīñ aatā

ye dil bhī dost farāmosh kam nahīñ tujh se
ki muddatoñ nahīñ aatā jidhar nahīñ aatā

ghuTī hī jaatī haiñ har roz quvvateñ dil kī
maiñ us ke sadqe jo armān bar nahīñ aatā