Tags-Dil

jalā rahe sham-e-bazm sā.īñ uThā ke pahlū se apne ham ko
raqīb ko misl-e-dil baġhal meñ miyān-e-mahfil biThālte haiñ

bisāt-e-ulfat hai vo nirālī jahāñ meñ jāñ-bāḳhta khilāḌī
juā bhī ye but jo khelte haiñ to dil kī kauḌī uchhālte haiñ

joñ nasīm-e-sub.h ġhunche gul ke sab barbād de
sard-mehrī se butoñ kī haiñ dil-e-rañgīñ ḳharāb

be-dimāġhī mat kar ai zālim ki juuñ mauj aur habāb
dil mirā kar de hai pal meñ abrū-e-pur-chīñ ḳharāb

thā banā 'uzlat' vo jab faulād-dil parvez se
tab to teshe ne kiyā yuuñ ḳhāna-e-shīrīñ ḳharāb

ahd-e-hāzir kī har ik baat hameñ dil se qubūl
sirf tauhīn-e-rivāyat nahīñ hogī ham se

na koī dhuul na manzil na rāsta dil kā
nazar se paar kahīñ duur silsila dil kā

mire dimāġh ne mujh ko jagā diyā lekin
us ek ḳhvāb meñ chehra hī rah gayā dil kā

ye raat kaun mire saath jāgtā rahā hai
ye raat kis se huā hai mukālima dil kā

har ek samt azādāriyāñ huiiñ 'qaisar'
kiyā jo maiñ ne hai barpā musālima dil kā

kyā kaheñ tujh se ham vafā kyā hai
soch kuchh dil meñ pūchhtā kyā hai

dil hai ye yā ki aabla kyā hai
kyuuñ hai itnā bharā huā kyā hai

dil ko denā thā de diyā zālim
aur ham ne tirā liyā kyā hai

pahle rakh le tū apne dil par haath
phir mire ḳhat ko paḌh likhā kyā hai

dil ajab chiiz hai to tum se aziiz
rahne bhī do muāmla kyā hai

mahsūs huā aur bhī hisse haiñ usī meñ
ik purza-e-dil jab ḳhas-o-ḳhāshāk se niklā

us kā muñh moḌnā qayāmat thā
dil taḌaptā hai zaḳhm kaarī hai

dil kī kahāniyāñ banīñ kūcha-ba-kūcha kū-ba-kū
sah ke malāl-e-shahr ko shahr meñ naam ho gayā

uchāT dil kā Thikānā kisī ko kyā mālūm
ham apne aap se bichhḌe to phir kahāñ hoñge

ye bazm-e-yār hai qurbān jā.iye is par
sunā hai 'ashk' yahāñ dil sabhī javāñ hoñge