Tags-Dil

ġham-e-hayāt ġham-e-dil nishāt-e-jāñ guzrā
tumhāre saath har ik lamha shādmāñ guzrā

badal de ruḳh jo mirī zindagī ke dhāroñ kā
vo hādisa mire dil par abhī kahāñ guzrā

javāb-e-tūr-o-tajalli kaheñge ahl-e-nazar
jo dil kī raah se vo husn-e-mehrbāñ guzrā

basā ke dil meñ tire ġham tire sitam ai dost
jahāñ jahāñ se bhī guzrā maiñ naġhma-ḳhvāñ guzrā

jab bhī dil khol ke ro.e hoñge
log ārām se so.e hoñge

ba.az auqāt ba-majbūrī-e-dil
ham to kyā aap bhī ro.e hoñge

ghar yaar kā ham se duur paḌā ga.ī ham se rāhat ek taraf
dil ek taraf aah ek taraf milne kī hasrat ek taraf

juuñ musht-e-sipand mire a.azā jal dil ke añgāre se uḌte haiñ
dāġhoñ kā mahshar ek taraf nāloñ kī qayāmat ek taraf

dil haat de yaar ke kyūñke liyūñ pher aah jahāñ kī malāmat se
jī leve hai ġhairat ek taraf maare hai muravvat ek taraf

phir huā habs kā ehsās-e-girāñ-bār 'suhail'
phir mirā dil hai talab-gār-e-havā-e-gesū

ai shola apnī garm-ravī par na bhūliyo
aalam hai aur āh-e-dil-e-soz-nāk kā

dil piit kī aag meñ jaltā hai haañ jaltā rahe use jalne do
is aag se logo duur raho ThanDī na karo pañkhā na jhalo

dil piit kī aag meñ jaltā hai haañ jaltā hai ise jalne do
is aag se tum to duur raho ThanDī na karo pañkhā na jhalo

dil piit kī aag meñ jaltā hai haañ jaltā rahe ise jalne do
is aag se 'inshā' duur raho ThanDī na karo pañkhā na jhalo

husn kāfir thā adā qātil thī bāteñ sehr thiiñ
aur to sab kuchh thā lekin rasm-e-dildārī na thī

bahut se bojh haiñ dil par ye koī aisā nahīñ
ye dukh kisī ne hamāre liye uThāyā hai

dil-e-nādān ulaT detā hai akasr ye bisāt
aql yuuñ chaal bahut chaltī hai ayyārī se

sarzamīn-e-zulf meñ kyā dil Thikāne lag gayā
ik musāfir thā sar-e-manzil Thikāne lag gayā

ātish-e-dil to ḳhaak bujhtī hai
aur jī ko jalāte haiñ aañsū

ḳhūn-e-dil kam huā magar jo mire
aaj tham tham ke aate haiñ aañsū