Tags-Dil

mahfil-e-ġham meñ ziyā to hogī
dil jaleñge to jilā to hogī

lab to ḳhāmosh haiñ hasb-e-irshād
dil dhaḌakne kī sadā to hogī

dil kā chhūnā thā ki jazbāt hue patthar ke
aisā lagtā hai ki ham shahr-e-tilismāt meñ haiñ

tishna-lab yuuñ to zamāne meñ kabhī ham na rahe
pyaas jo dil kī bujhā detā vo dariyā na milā

ik ghaḌī bhī baiThnā dūbhar huā
dil ko samjhā leñge achchhā jā.iye

ġham-e-vafā kahne sunñe vaale kahāñ ga.e ahl-e-dil na jaane
tumhārī ulfat ke rāz-dāroñ kī yaad sī rah ga.ī hai baaqī

tum to ai mehrbān anūThe nikle
jab aan ke paas baiThe rūThe nikle

lagā kar aañkh is jān-e-jahāñ se
na hogā ab kisī se āshnā dil

yahī vīrāna bachā thā to ḳhudā ne āḳhir
rakh diye dil meñ mire saat samundar apne

dil se us kī yaad ko ruḳhsat karo
taaki aa.e zindagī tartīb meñ

apnī sadā kī guuñj hī tujh ko Darā na de
ai dil tilism-e-gumbad-e-shab meñ sadā na de

apnā bīmār hai dil ishq kā bīmār nahīñ
ḳhud tashaffī ke sivā hijr kā āzār nahīñ

dil fareb-e-zindagī meñ be-tarah uljhā rahā
ishq ko āzād patthar ko sanam kahte rahe

apne ḳhuuñ se dāstān-e-ġham raqam karte rahe
lauh-e-dil ko nok-e-ḳhanjar ko qalam kahte rahe

aarzū ke kitne but-ḳhāne the is dil meñ nihāñ
'arsh' jis dil ko sabhī tāq-e-haram kahte rahe

ab mujhe kaun jiit saktā hai
tū mire dil kā āḳhirī Dar thā

'anjum' agar nahīñ dar-e-dildār tak pahuñch
ho jaa.e kaash rauzan-e-dīvār tak pahuñch

ārām phir kahāñ hai jo ho dil meñ jā-e-hirs
āsūda zer-e-ḳhāk nahīñ āshnā-e-hirs

donoñ āñkheñ kyuuñ na hoñ dil ko aziiz
āhūoñ kā mujh ko joḌā chāhiye

TuuTe dil ko momiyā-e-lutf se
ho agar taufīq joḌā chāhiye