Tags-Dil

kaun sī mushkil hai jo āsāñ na ho
dil meñ istiqlāl thoḌā chāhiye

vo dil se tañg aa ke aaj mahfil meñ husn kī tamkanat kī ḳhātir
nazar bachānā bhī chāhte haiñ nazar milānā bhī chāhte haiñ

pahle bhar dete haiñ sāmān-e-do-ālam dil meñ
phir kisī shai kī tamannā nahīñ rahne dete

suḳhan-varī hameñ kab tajribe se aa.ī hai
zabāñ meñ chāshnī dil TūTne se aa.ī hai

taḌaptā maiñ huuñ pasīna hai us ke māthe par
shikast-e-dil kī sadā aa.ine se aa.ī hai

haa.e dil jis kī umañgeñ thiiñ bahāreñ baaġh kī
vo mirī jannat jahannam ban ga.ī tere baġhair

ka.ī dinoñ tak nazar meñ rahne pe haañ karegī
vo pahlī koshish pe dil-kushāda kahāñ karegī

shaam kā va.ada kiyā aa.e vo aadhī raat ko
jazba-e-dil kī mire tāsīr aadhī rah ga.ī

sañg-dil kuuñ na kisī kī huī afsos ḳhabar
mar ga.e sar kuuñ paTak kar pas-e-dīvār ka.ī

dil kī betābī se aur chashm kī be-ḳhvābī se
nazar aane lage ab ishq ke āsār ka.ī

abrū-o-chashm-o-nigāh-o-mizha har ik ḳhūñ-ḳhvār
ek dil hai mirā tis par haiñ dil-āzār ka.ī

khīñch mat zor se shāne ko tū ai mashshāta
dil haiñ us zulf ke bāloñ meñ giraftār ka.ī

dīda-e-bārīk-bīñ rāh-e-adam par ho juuñ
marg pe dil dharnā hai us kī kamar dekhnā

'hasrat' use dil-kushā jaise hai dariyā kī sair
mere lab-e-ḳhushk aur dīda-e-tar dekhnā

dil ko gudāz bhī rakhā to ehtiyāt se
kar to liyā yaqīn par itnā nahīñ kiyā

fāqa-kashī meñ yuuñ to ka.ī rahm-dil mile
kaae hī ham ne apnā kushāda nahīñ kiyā

ābād hai is dil kā jahāñ jis ke qadam se
vo mujh ko pukāre hai kisī aur jahāñ se

thī tirī yaad bhī kyā anjuman-ārā-e-ḳhayāl
dil meñ jo sho.ala uThā sham-e-shabistāñ samjhā

sāhib-e-dil hai vahī murshid-e-kāmil hai vahī
mere chehre se jo merā ġham-e-pinhāñ samjhā

abhī se kyuuñ judā.ī kī aziyyat kā kareñ shikva
abhī dil meñ tirī maujūdgī mahsūs hotī hai