Tags-Dil

ḳhūn-e-dil apnā jal rahā hai magar
sham.a ke sar pe vo dhuāñ na rahā

dil hī sahī samjhāne vaalā
koī to hai ġham khāne vaalā

dil ke kyā kyā taur the lekin
phuul thā ik murjhāne vaalā

hijr kī shab hai aur mirā dil
shaam hī se ghabrāne vaalā

dil kī lagī dil vaalā jaane
kyā samjhe samjhāne vaalā

roiye laakh 'zakā' ab dil ko
kab aayā hai jaane vaalā

na vo pūchhte haiñ na kahtā huuñ maiñ
rahī jaatī hai dil kī dil meñ havas

dil-e-bad-ḳhū kī kisī tarah ra.ūnat kam ho
chāhtā huuñ vo sanam jis meñ mohabbat kam ho

aisī majlis se agar rahiye ba.iid aulā hai
dil dimāġh apnā to vo aur ye ġhauġhā-e-qarīb

mushk-o-sandal ho tire rañg se bāloñ ham-sar
ġhussa dil ko mire kis tarah na aa jaa.e qarīb

bujhne kī dil kī aag nahīñ zer-e-ḳhāk bhī
hogā daraḳht gor pe merī chīnār kā

kartā hai vahī kaam jo karnā nahīñ hotā
jo baat maiñ kahtā huuñ ye dil suntā kahāñ hai

dil kuchh mohabbatoñ se gurezāñ kiye hue
baiThā huuñ kuchh ḳhayāl pareshāñ kiye hue

break-dance sikhāyā hai naav ne dil ko
havā kā giit samundar ko gaanā aatā hai

agar kahīñ hai to dil chiir kar dikhā mujh ko
tū apnī zaat kā irfān de ḳhudā.ī na de

tumhāre dil meñ dafn
gahre-tarīn rāzoñ tak

ḳhirad ko ḳhāna-e-dil kā nigah-bāñ kar diyā ham ne
ye ghar ābād hotā is ko vīrāñ kar diyā ham ne

dil ne ġham-e-be-hisāb kyā kyā dekhā
āñkhoñ se jahāñ meñ ḳhvāb kyā kyā dekhā

ba-zāhir guftugū hai muḳhlisāna
magar dil meñ kudūrat boltī hai

mizha ke tīroñ se chhān dil ko jo chhānñī ho nigah ko gahrī
khiñchī huī dil se kab talak yuuñ tirī bhavoñ kī kamāñ rahegī