Tags-Dil

is dahr-e-be-baqā se lagā.ūñ maiñ dil ko kyā
hastī hai ek vus.at-e-mauj-e-sarāb kī

ishq agar kījiye dil kījiye kis se ḳhālī
dard o ġham kam nahīñ is daur meñ ġham-ḳhvār kahāñ

qaidī us silsila-e-zulf ke ab kam haiñ 'yaqīñ'
haiñ dil-āzār bahut jān-giraftār kahāñ

had-e-idrāk se bāhar haiñ bāteñ ishq o mastī kī
samajh meñ is qadar aayā ki dil kī maut hai duurī

maiñ jānūñ jab ki bujhā de tū tishnagī dil kī
vagarna aaj se dariyā dilī kā naam na le

ġham-e-dil hī ke māroñ ko ġham-e-ayyām bhī de do
ġham itnā lene vaale kyā ab itnā ġham nahīñ leñge

ishq ke kūche meñ jab jaatā hai dil karne ko sair
vaañ nahīñ ma.alūm hotā roz hai yā raat hai

dil ke vīrāne meñ kis yaad kā jhoñkā guzrā
kis ne is ret meñ ye phuul se mahkā.e haiñ

dil meñ tasvīr tirī aañkh meñ āsār tire
zaḳhm hāthoñ meñ liye phirte haiñ bīmār tire

dil bhī sanam-parast nazar bhī sanam-parast
is āshiqī meñ ḳhāna hama-āftāb thā

husn-e-sulūk-e-yār kā e.ajāz kyā kaheñ
sau daaġh ek dil pe uThā.e hue haiñ ham

kaise ḳhush-tabā haiñ is shahr-e-dil-āzār ke log
mauj-e-ḳhūñ sar se guzar jaatī hai tab pūchhte haiñ

ahl-e-duniyā kā to kyā zikr ki dīvānoñ ko
sāhibān-e-dil-e-shorīda bhī kab pūchhte haiñ

bahut āzād hotā jā rahā hai
ye dil barbād hotā jā rahā hai

gar dekhiye to ḳhātir-e-nāshād shaad hai
sach pūchhiye to hai dil-e-nākām kaam kā

sar-e-rāh mil ke bichhaḌ ga.e thā bas ek pal kā vo hādsa
mire sehn-e-dil meñ muqīm hai vahī ek lamha azaab kā

ye jo mere sāġhar-e-dil meñ hai mai-e-fan hai ḳhuuñ kī kashīd hai
yahī ek umr kā mā-hasal yahī tosha ḳhāna-ḳharāb kā

dil-o-dimāġh kī ye ḳhosha-chīniyāñ dekho
tujhe gañvā ke tire ḳhadd-o-ḳhāl māñgte haiñ

mirī ġhazleñ paḌheñ sab ahl-e-dil aur mast ho jaa.eñ
mai-e-jazbāt laayā huuñ maiñ lafzī ābgīnoñ meñ

ek sho.ala sā uThā thā dil meñ
jaane kis kī thī sadā yaad nahīñ