Tags-Dil

tire visāl kī kab aarzū rahī dil ko
ki ham ne chāhā tujhe shauq-e-be-sabab ke liye

dil-e-hazīñ ki do-ālam nahīñ bahā jis kī
luTāyā maiñ ne ise terī ek chhab ke liye

'azīm' ishq-e-shah-e-do-sarā basā dil meñ
vahī ajam ke liye hai vahī arab ke liye

dil kī duniyā meñ tujhe lā ke maiñ hairāñ kar duuñ
aa tujhe dard-e-mohabbat se farozāñ kar duuñ

vahī manzileñ vahī dasht o dar tire dil-zadoñ ke haiñ rāhbar
vahī aarzū vahī justujū vahī rāh-e-pur-ḳhatar-e-junūñ

guloñ se na hogī jo uqda-kushā.ī
girah dil ke kāñTe se ham khol leñge

dil kī jo aag thī kam us ko bhī hone na diyā
ham to rote the magar aap ne rone na diyā

yād-dilbar meñ kabhī ai dil-e-muztar tū ne
ham ko chup-chāp kahīñ baiTh ke rone na diyā

vo hādsāt kī hiddat se jab pighalne lage
to chāñd ban ke ḳhunuk dil meñ jagmagā.ūñ maiñ

dayā dil 'nazīr' us ko yuuñ kah ke ai jaañ
kahoge to ye pāsbānī karegā

dil kā hamdam ilaaj mat kar ab
zaḳhm marham-pazīr haiñ is ke

jī se rahte haiñ apne us pe nisār
dil se hote haiñ dost ham jis ke

aah ta.azīm ko uThtī hai mire siine se
dil pe jab us kī nigāhoñ ke ḳhadañg aate haiñ

dil ke dene meñ uzr kis ko hai
jaan hī de rahe haiñ maal kā kyā

us ne sochā bhī nahīñ thā kabhī aisā hogā
dil hī isrār karegā ki bichhaḌnā hogā

hai club ke rañg-o-rāmish meñ bhī mere saath saath
ek sannāTā jo dil kī ḳhāna-vīrānī meñ thā

bahut aziiz sahī us ko merī dildārī
magar ye hai ki kabhī dil mirā dukhā bhī gayā

arz-o-samā kahāñ tirī vus.at ko pā sake
merā hī dil hai vo ki jahāñ tū samā sake

har ḳhatā us kī hamesha darguzar kartī huī
fāsloñ ko dil kī chāhat muḳhtasar kartī huī

zehn-o-dil kī raushnī ko tez-tar kartī huī
guftugū sīdhe tirī dil par asar kartī huī