Tags-Dil

hotā hai mire dil meñ hasīnoñ kā guzar bhī
ik anjuman-e-nāz hai allāh kā ghar bhī

jab bhī is ālam-e-kam-hoshī meñ
dastak-e-dil se aañkh khul jaa.e

na jaane sher meñ kis dard kā havāla thā
ki jo bhī lafz thā vo dil dukhāne vaalā thā

dil pe jab terā tasavvur chhā gayā
zindagī kā aa.ina dhuñdlā gayā

umr-bhar koī ḳhushī aa.ī na raas
ruuTh kar us dil se to achchhā gayā

de ke koī muskurāhaT kā kafan
aarzū ko dil meñ hī dafnā gayā

dil to thā shīshe kā go 'sīmāb' kā
pattharoñ ke shahr meñ pathrā gayā

dil kī āvāz pe bai.at bhī to ho saktī hai
tum agar chāho mohabbat bhī to ho saktī hai

zulf-e-pur-pech se jo dil uljhā
biich meñ raḳh paḌā safā.ī kī

dil kahīñ aur ham ne aTkāyā
be-vafāoñ se bevafā.ī kī

ka.aba-e-dil meñ bhī maqām kiyā
ai buto tum ne kyā rasā.ī kī

dard-o-ġham Dālte rahte haiñ mire dil pe kamand
yādeñ bhī lipTī haiñ bargad kī jatāoñ kī tarah

ḳhud hijāboñ sā ḳhud jamāl sā thā
dil kā aalam bhī be-misāl sā thā

mumkin ho to is anjuman-ārā.ī meñ taaza
ik zaḳhm-e-dil-e-ḳhānamāñ-barbād bhī rakkho

na harīf-e-jāñ na sharīk-e-ġham shab-e-intizār koī to ho
kise bazm-e-shauq meñ laa.eñ ham dil-e-be-qarār koī to ho

ye sukūn-e-jāñ kī ghaḌī Dhale to charāġh-e-dil hī na bujh chale
vo balā se ho ġham-e-ishq yā ġham-e-rozgār koī to ho

jalāo ghar kī muñDeroñ pe chashm-o-dil ke diye
bahāo giit birah ke bahut añdherā hai

aañkh vaale sāvan meñ ek baat dekhī hai aur kah bhī duuñ tum se
tishnagī miTātā hai dil kī tishnagī kā ye qudratī shikārī hai

halqa-e-dar hai halqa-zan koī bhalā ḳhabar to lo
dil mirā shādi-marg hai hai vahī yaar ho na ho

har-chand bahār o baaġh hai ye
par kis ko dil o dimāġh hai ye