Tags-Dil

tum ne thāmā haath jo merā
maiñ ne samjhā apne dil kī saarī bāteñ

kūcha-e-zulf nit añdherā hai
vahāñ siyah-baḳht dil kā Derā hai

phir vahī shorish vahī josh-o-ḳharosh
phir kahīñ dīvāngī taarī na ho ai dil ḳhamosh

tire sajde meñ vo mazā milā ki taḌap ke siine se aa rahā
koī daaġh hai ki hai dil mirā ye mirī jabīn-e-niyāz meñ

dil mat Tapak nazar se ki paayā na jā.egā
juuñ ashk phir zamīñ se uThāyā na jā.egā

ḳhāl-e-mushkīñ ne dil aisā hī jalāyā hai ki bas
ko.eloñ par bhī ye dhokā hai ki añgāre haiñ

dil āshiqoñ ke chhid ga.e tirchhī nigāh se
mizhgāñ kī nok-e-dushman-e-jānī jigar huī

kahīñ dil bahaltā nahīñ shahr meñ
na bāzār kam haiñ na bāġhāt kam

sambhāle hue hai ye shoba bhī dil
ab āñkhoñ se hotī hai barsāt kam

ka.abe se jo but nikle bhī to kyā ka.aba hī gayā jo dil se nikal
afsos ki but bhī ham se chhuTe qabze se ḳhudā kā ghar bhī gayā

dil kahāñ shahsavār-e-duniyā thā
so girā gir ke mar gayā ya.anī

koī āvāz TūTne kī nahīñ
dil meñ ik baat hai ḳhalā ya.anī

basoñ par tabassum to āñkhoñ meñ paanī
yahī hai yahī dil-jaloñ kī nishānī

kuchh dil hī bujh gayā hai mirā varna aaj kal
kaifiyat-e-bahār kī shiddat chaman meñ thī

mālūm ho ga.ī mire dil ko rāh-e-shauq
vo baat pyaar kī jo hunūz us dahan meñ thī

aish gudāz-e-dil bhī ġham-e-āshiqī meñ thā
ik rāhat-e-latīf bhī zimn-e-mehan meñ thī

harīf-e-jāñ hai agar vo to phir kaho us se
ga.ī jo jaan to dil kā savāl aa.egā

usī ke shah pe bujhegā charāġh-e-dil 'ādil'
nihāñ ḳhulūs meñ jo ishti.āl aa.egā

umūr-e-dil meñ kisī tīsre kā daḳhl nahīñ
yahāñ faqat tirī chaltī hai yā udāsī kī

charāġh-e-dil ko zarā ehtiyāt se rakhnā
ki aaj raat chalegī havā udāsī kī