Tags-Dil

dil-e-fasurda ko maiñ ne to maar hī Daalā
so maiñ to Thiik huuñ ab tū sunā udāsī kī

'arsh' kis se kahūñ maiñ dil kā raaz
raaz hai rāz-dāñ nahīñ miltā

aise ham dekhte haiñ dil ke ujaḌne kā samāñ
jis tarah dāsiyāñ jaltā huā mandar dekheñ

vo bastī bhī ik bastī thī ye bastī bhī ik bastī hai
vahāñ TuuT ke dil juḌ jaate the yahāñ koī ḳhayāl nahīñ hotā

sharāb-e-sāf de tā saaf ho saaqī ġhubār-e-ġham
hamārā dil nipaT gard-e-kudūrat se hai ab mailā

jañgal kā sannāTā merā dushman hai
phailtā sahrā dīda-o-dil kā dushman hai

na koī shakl thī dil meñ na lab pe naam koī
tamām umr mujhe intizār kis kā thā

ye kis ke husn se yādoñ kī ban ga.ī tasvīr
dil-ā.ine pe sunahrā ġhubār kis kā thā

paḌe raheñge isī soch meñ qayāmat tak
hamāre ba.ad dil-e-be-qarār kis kā thā

bahut dinoñ se yahī ik savāl hai dil meñ
jo maiñ ne sab ko diyā thā vo pyaar kis kā thā

uThā.e phirte ho kyā shahr-e-be-basīrat meñ
kise dikhāoge dil kī kitāb rahne do

dil kī bāteñ zabāñ pe kyuuñ laao
ghar meñ rahne do ghar kā qissa hai

baḌhtā huā hausla na TuuTe dil kā
tū dā.era mahdūd na kar manzil kā

agar patthar tirā dil hai to sun le ġhaur se phir tū
samajh le mard kahlāne kī tū pahchān le baiThā

kam-baḳht dil burā huā tirī aah aah kā
husn-e-nigāh bhī na rahā gaah gaah kā

dil sā gavāh hashr meñ aa kar phisal gayā
ab rahm par muāmla hai dād-ḳhvāh kā

dil lene vaalī baat isī dil se pochhiye
mālik yahī hai mere safed o siyāh kā

ye dil hai Thahrī huī jhiil kī tarah kab se
ab is meñ phir koī patthar girā ke dekhte haiñ

phir ik ḳhayāl ko zanjīr kar diyā ham ne
phir ek naam ko dil se miTā ke dekhte haiñ

mubtalā ruuh ke azaab meñ huuñ
kab se dil ko khurach rahā hai koī