Tags-Dil

tere jalne se agar tīrgī kam ho ai dil
tū bhī jal jā kisī jaltī huī mash.al kī tarah

jis qayāmat se vaa.iz Darātā hai tū us qayāmat se kam ye qayāmat nahīñ
bār-hā dil pe guzrī hai jo hijr meñ bār-hā jaan par jo guzar jā.egī

zindagī ko na hai aarzū ko 'vafā' hasrat-āgīñ hai donoñ kā shahr-e-vafā
zindagī aarzū meñ guzar jā.egī aarzū dil meñ ghuT ghuT ke mar jā.egī

dil-e-zār aur shast-e-yār meñ ik raah hai maḳhfī
ḳhatā ho kar bhī sīdhā nāvak-e-jānāna aatā hai

na jaane jaa.e kahāñ tak ye silsila dil kā
vo mil bhī jaa.e to miltā nahīñ sila dil kā

baras rahī thiiñ bahāreñ taras rahī thī zamīñ
safar tamām huā phuul kab khilā dil kā

kahāñ hai vo shah-ḳhūbī kahāñ darīcha-e-shab
ga.e vo din ki samā.at meñ thā gila dil kā

vahī ḳharābī-e-jāñ kā sabab bhī hai lekin
qarār-e-jāñ hai ki ye hai muāmla dil kā

use fusūñ-gar o be-mehr maiñ nahīñ kahtā
firāq-e-yār kā baa.is hai fāsla dil kā

talāsh usī kī musalsal usī ko pā kar bhī
zamīñ se tā-ba-falak hai ye mashġhala dil kā

kisī tilism-e-hijābāt meñ koī ġham hai
bhaTak rahā hai ḳhayāloñ meñ qāfila dil kā

justujū-e-nashāt-e-mub.ham kyā
dil mayassar hai lazzat-e-ġham kyā

dil kamāl-e-hayāt hai 'fānī'
dil ke maare huoñ kā mātam kyā

dil kī zaḳhmoñ ko kiyā kartā hai taaza har-dam
phir sitam ye hai ki rone bhī nahīñ detā hai

uThā.e haath to añgḌā.ī isti.āra bane
vo tāb-o-tab hai ki har dil ġhazāl hai us kā

kabhī kabhī to baḌe zor se dhaḌaktā hai
ye merā dil nahīñ koī kamāl hai us kā

dil-e-betāb ko ye kah ke sambhālā shab-e-ġham
Thahar ab sub.h ke āsār nazar aate haiñ

ġhuncha-e-dil jo tire hijr meñ afsurda hai
baaġh meñ phuul mujhe ḳhaar nazar aate haiñ

haath ḳhālī hai magar dil to ġhanī hai apnā
chashm-e-maḳhlūq meñ zardār nazar aate haiñ

dil pahuñchā achānak hī tayaqqun kī fazā tak
sab vahm-o-gumāñ ishq kī asnād se nikle