Tags-Dil

raat meñ bhī na ho sakā raushan
dil-mohalle meñ tañg-dastī hai

furāt-e-chashm pe hai karbalā kī tuġhyānī
darūn-e-kūfa-e-dil iid karne aayā huuñ

dushman ko marte dekh ke logoñ ke sāmne
dil hañs rahā thā aañkh se ronā paḌā mujhe

āsāñ nahīñ hai likhnā ġham-e-dil kī vārdāt
apnā qalam lahū meñ Dubonā paḌā mujhe

ḳhunuk-joshī na karte juuñ sabā gar ye butāñ ham se
to misl-e-ġhuncha-e-gul dil na jaatā rā.egāñ ham se

bahār aa.ī hai bulbul dard-e-dil kahtī hai phūloñ se
kaho to maiñ bhī apnā dard-e-dil tum se bayāñ kar luuñ

hazāroñ shoḳh armāñ le rahe haiñ chuTkiyāñ dil meñ
hayā un kī ijāzat de to kuchh bebākīyāñ kar luuñ

chaman meñ haiñ baham parvāna o sham.a o gul o bulbul
ijāzat ho to maiñ bhī hāl-e-dil apnā bayāñ kar luuñ

mausamoñ ke havāle tire naam se
dhuup chhāñv mere dil meñ hotī rahe

ret kā Dher nazar aate haiñ shahr ke saare puḳhta ghar
chīḳhoñ se dil Dar jaa.eñ to sab kuchh yūñhī lagtā hai

dil ye kah kar ḳhabar ko us kī chalā
mujh ko zinda na ab mileñge aap

ġham jo auroñ kā ho apnā ġham samajh kar lījiye
varna dil kā soz āñkhoñ kī namī kis kaam kī

irtibāt-e-chashm-o-lab kā bhī koī sāmāñ to ho
varna us ḳhāl-e-siyah kī dilkashī kis kaam kī

ai ashk-e-garm kar mire dil kā ilaaj kuchh
mash.hūr hai ki choT ko paanī se dhāriye

ho aab meñ kadar to Thahar jā.iye Tuk ek
dil meñ kudūrat aave to kyūñkar nithāriye

ulfat ne unhīñ kī haq kī taraf pherā mire dil ko shukr-e-ḳhudā
tāmīr kareñ masjid koī kyūñkar na butoñ ke naam se ham

bātoñ meñ guzarte hijr ke din ai kaash ki donoñ mil jaate
ham se hai dil-e-nākām ḳhafā āzurda dil-e-nākām se ham

yuuñ un ke adab yā ḳhātir se har baat ko le leñ apne sar
jab dil hai unhīñ ke qaabū meñ phir paak haiñ har ilzām se ham

mile ho tum to huī qadr dil ko lamhoñ kī
guzar chukī hai bahut par hisāb ab se huā

kisī adā ko sitam kah diyā kisī ko karam
ye iḳhtiyār dil-e-zār tum ko kab se huā