Tags-Dil

dil ki har gahre samundar meñ utarnā chāhe
tez-rau umr ki dam-bhar na Thaharnā chāhe

qismat aisī ki jo apne the hue begāne
aur dil vo jo kisī se na bichhaḌnā chāhe

zaḳhm har sañg-e-malāmat abhī taaza hai ye dil
phir usī kū-e-malāmat se guzarnā chāhe

dil detā huuñ maiñ qāmat-e-dil-dār ko apnā
laTkātā huuñ maiñ naḳhl-e-mohabbat meñ qafas ko

jaisā ki ye dil dām-e-mohabbat meñ phañsā hai
kam dekhtā huuñ murġh-e-giraftār-e-qafas ko

zaḳhm-e-dil-e-shaidā huā achchhā na masīhā
ḳhayyāt-e-azal sil na sakā chāk-e-qafas ko

ai dil kabhī kahne kā nahīñ rāz-e-mohabbat
is dasht meñ dauḌā na tabī.at ke faras ko

dil detā hai us tifl-e-parī-zād ko nādāñ
kyuuñ 'muntahī' sho.ale se bhiḌātā hai tū ḳhas ko

dil hī to hai na sañg-o-ḳhisht dard se bhar na aa.e kyuuñ
ro.eñge ham hazār baar koī hameñ satā.e kyuuñ

haañ vo nahīñ ḳhudā-parast jaao vo bevafā sahī
jis ko ho diin o dil aziiz us kī galī meñ jaa.e kyuuñ

dil kī baat laboñ par lā kar ab tak ham dukh sahte haiñ
ham ne sunā thā is bastī meñ dil vaale bhī rahte haiñ

ek hameñ āvāra kahnā koī baḌā ilzām nahīñ
duniyā vaale dil vāloñ ko aur bahut kuchh kahte haiñ

mohabbat kā zamāna bhī ajab dilkash zamāna thā
asīrī merī sābit ho ga.ī zanjīr se pahle

kis DhiTā.ī se vo dil chhīn ke kahte haiñ 'amīr'
vo mirā ghar hai rahe jis meñ mohabbat merī

vahshat-e-dil ke tasadduq 'mumtāz'
ghar bayābān huā jaatā hai

kitnī āshāoñ kī lāsheñ sūkheñ dil ke āñgan meñ
kitne sūraj Duub ga.e haiñ chehroñ ke pīle-pan meñ

chaknā-chūr huā ḳhvāboñ kā dilkash dilchasp ā.īna
TeḌhī tirchhī tasvīreñ haiñ TūTe-phūTe darpan meñ

ham rahe mubtalā-e-dair-o-haram
vo dabe paañv dil meñ aa baiThe

laakh jatan karne par bhī kam huā na dil kā bojh
kaisā bhārī patthar maiñ sarkāne baiThā thā

apnā qusūr samajh nahīñ aayā jitnā ġhaur kiyā
maiñ to sachche dil se hī pachhtāne baiThā thā