Tags-Aangan

phailte hue shahro apnī vahshateñ roko
mere ghar ke āñgan par āsmān rahne do

chhateñ bhī baT chukīñ āñgan bhī baT chuke lekin
chhiḌī hai jañg ki haq kis kā hai dafīne par

āñgan meñ har makāñ ke añdheroñ kā raaj hai
mahloñ kī raushnī ko sahar kah diyā gayā

tamām raat havā chīḳhtī rahī ban meñ
tamām raat uḌī ḳhaak dil ke āñgan meñ

kis ke āñgan se guzar kar ye havā aatī hai
siskiyāñ letī huī bū-e-hinā aatī hai

mere āñgan meñ to aa.ī hī nahīñ mauj-e-bahār
koī phūloñ se bharā giit sunā.ūñ kaise

phir bhī ta.amīr-e-tamannā kī na takmīl huī
maiñ ne āñgan ko kabhī dar kabhī dālān kiyā

ik shajar aisā mohabbat kā lagāyā jaa.e
jis kā ham-sā.e ke āñgan meñ bhī saayā jaa.e

ghar meñ sab log so rahe hoñge
phuul āñgan meñ jal chukā hogā

ek din yaad ā.ūñgā 'sājid' use umr kī be-karānī meñ maiñ bhī kahīñ
shaam aa.egī aur mere āñgan meñ bhī in daraḳhtoñ ke saa.e palaT ā.eñge

mire ḳhuuñ se jalātā hai charāġh-e-shahr-e-ahl-e-zar
mire hī ghar ke āñgan meñ sahar aane nahīñ detā

mirī ḳhvāhish hai ki āñgan meñ na dīvār uThe
mire bhaa.ī mire hisse kī zamīñ tū rakh le

ye phuul kal tak sahar ke āñgan meñ khil rahā thā
magar siyāhī ke tañg halqoñ meñ ghir gayā thaa!

khol kar bādal ke darvāze nikal aayā hai chāñd
gir paḌī hai raqs karte karte phir āñgan meñ raat

aur bhī daraḳhshāñ ho ai mire na.e sūraj
ab bhī mere āñgan meñ raushnī nahīñ aa.ī

mire āñgan meñ ik nannhī gilahrī kā baserā hai
bahut ma.asūm sā ik naqsh merī kyāriyoñ par hai

ghar ke āñgan meñ ta.assub kī ye saḌtī huī laash
kitne din biit ga.e ab to uThā lī jaa.e

phailte hue shahro apnī vahshateñ roko
mere ghar ke āñgan par āsmān rahne do

ghuum rahe haiñ āñgan āñgan chāñd havā aur maiñ
DhūñD rahe haiñ bichhḌā bachpan chāñd havā aur maiñ

suukh chale haiñ āñgan ke paude
be-mausam barsāt kī sūrat aa