Tags-Aangan

bistar par kuchh phuul paḌe haiñ
āñgan meñ gul-dān paḌā hai

aañkh ke āñgan se ḳhvāboñ kā parinda uḌ gayā
raat bhar 'shāhīn' yādoñ kī chitā meñ qaid thā

mire āñgan meñ bikhre zard patte
mujhe hamrāz lagte haiñ

ḳhushbūoñ aao Thahar jaao hamāre āñgan
phir ishāroñ meñ bahāroñ ko bulātī hai havā

ye qatl-gāh bhī hai bāl-pan kā āñgan bhī
bhaTak rahī hai jahāñ chashm-e-mo'atabar tanhā

ziine se āsmāñ ke utar aa.ī chāñdnī
āñgan meñ aa ke baiThī to sustā.ī der tak

phuul ḳhushbū un pe uḌtī titliyoñ kī ḳhair ho
sab ke āñgan meñ chahaktī beTiyoñ kī ḳhair ho

der ke ba.ad mire āñgan meñ
surḳh anaar kā phuul khilā thā

dil ke āñgan meñ koī aa ke na jaa.e vāpas
is ilāqa meñ agar ishq kā pahrā hove

suunā āñgan niiñd meñ aise chauñk uThā hai
sote meñ bhī jaise koī siskī letā hai

sub.h se āñgan meñ āñdhī hai añdhiyārā hai dhuul hai
shāyad aag churāne vaale ghar ā.eñge shaam ko

āñgan meñ jāgte haiñ gul-o-lāla raat bhar
maiñ bhī kisī ke kāñToñ kā bistar luuñ aur gā.ūñ

aa bhī jā ab aane vaale kuchh un ko bhī chain paḌe
kab se terā rasta dekheñ chhat āñgan dīvār-o-dar

ye jo phūloñ kā nagar thā is meñ hī kāñToñ se ab
bhar gayā har ek āñgan āñdhiyoñ dhīre chalo

saa.e ke liye hai na Thikāne ke liye hai
dīvār to āñgan meñ uThāne ke liye hai

har ek āñgan ḳhamosh pahre har ek lab par sukūt taarī
hamāre ghar ghar jo TūTte haiñ qayāmatoñ ke azaab paḌhnā

pattharoñ kī choToñ se aa.ino na ghabrāo
hādsoñ ke āñgan meñ zindagī ko palne do

tere āñgan meñ shab utartī hai
terī khiḌkī se din nikaltā hai

tire āġhosh meñ bachpan ke ham ne din bitā.e haiñ
tire āñgan meñ kitnā ro.e kitnā muskurā.e haiñ

na.e sāthī tire āñgan meñ jab dhūmeñ machā.eñge
to shāyad ham bhī ai schōl tujh ko yaad ā.eñge