Tags-Dost

kyuuñ zahr banā us kā tabassum mere haq meñ
ai 'naqsh' vo ik dost thā almās nahīñ thā

dost kyoñ saada kafan oḌhā diyā tum ne mujhe
mujh ko jaanā thā mire ash.ār meñ sote hue

vo āstān-e-dost pe kyā sar jhukā.egā
jis se buland dast-e-duā bhī na ho sake

ai mire nāseh-e-ḳhush-fahm zarā ġhaur se sun
dost nādān huā karte haiñ nā-dānoñ ke

tafhīm-e-dostī meñ baḌī bhuul ho ga.ī
phir duur se hī dost hamārā guzar gayā

dil se ḳhayāl-e-dost bhulāyā na jā.egā
siine meñ daaġh hai ki miTāyā na jā.egā

nazar meñ raqs-kunāñ hai tasavvur-e-ruḳh-e-dost
ye kah do bād-e-sabā se dabe qadam guzre

na raas aa.e mirī zindagī mujhe ai dost
kabhī garāñ jo mire dil pe terā ġham guzre

ḳhabar na thī vo mujhe qatl karne aayā hai
maiñ us ko dost samajhtā thā vaar karne tak

mere ham-nafas mere ham-navā mujhe dost ban ke daġhā na de
maiñ huuñ dard-e-ishq se jāñ-ba-lab mujhe zindagī kī duā na de

dūsrī baar huā hai ki yahī dost huā
par parindoñ ke katartī huī dekhī ga.ī hai

aaj mat chheḌ ġham ke afsāne
aaj ai dost ġham kī baat na kar

terī jānib se na laa.ī koī paiġhām kabhī
merī fariyād bhī sahrā kī sadā hai ai dost

ham ko is ahd-e-vafā se thiiñ umīdeñ kitnī
tujh ko jo ahd-e-vafā bhuul chukā hai ai dost

tere har jaur pe yaañ shukr-e-ḳhudā hai ai dost
ki yahī maslak-e-arbāb-e-vafā hai ai dost

kyā ajab hai ki tirī ranjish-e-bejā ke sabab
tere 'shafqat' ko sar-e-tark-e-vafā hai ai dost

terī yādoñ se bhī taskīn-e-tamannā na huī
vaqt ham par kabhī aisā bhī paḌā hai ai dost

tere aane kī dobāra jo koī aas nahīñ
kitnī sunsān mire dil kī fazā hai ai dost

pukāroñ kyuuñ na maiñ ''he dost he dost''
ki har shab qatl kī hai raat tum bin

bhuul jaanā hai to ai dost bhulā de mujh ko
yaad ab yād-dahānī meñ na rakkhī jaa.e