Tags-Dost

jhoñkoñ kī nazr hai chaman-e-intizār-e-dost
yād-e-ummīd-o-bīm kī ye sansanāhaTeñ

apne va.ade kā rakh bharam ai dost
kisht-e-ummīd reg-zār na kar

ishq barbād-kun-e-rāhat-e-dil hai ki jo thā
shoḳhī-e-dost ba-andāz-e-digar hai ki jo thī

dost to hai nādān hai lekin
be-samjhe samjhāne vaalā

ye zillat-e-ishq tere hāthoñ
ai dost tujhe kahāñ chhupā leñ

charāġh kahne lagā phir havā ke jhoñke se
ye ehtimām to ai dost hai tirā na mirā

tū bhī tanhā hai bichhaḌ kar ham se
ham bhī ai dost akele haiñ bahut

kitne pur-haul añdheroñ se guzar kar ai dost
ham tire husn kī raḳhshanda sahar tak pahuñche

dil shikasta sahī māyūs nahīñ huuñ ai dost
maiñ ki har daur ko daur-e-guzarāñ kahtā huuñ

maujeñ Takrā.ī huiiñ dushman bhī niklīñ dost bhī
pīchhe kashtī ko Dhakelā de ke sāhil kā patā

tā-kujā āvāra-e-nazzāra chashm-e-husn-e-dost
jam.a ik markaz pe kyuuñ kar husn-e-ālam kījiye

kuchh baat to hai jis ke sabab saare jahāñ meñ
ai dost tujhe ḳhuld-nazar ham ne kahā hai

bahāroñ kī nazar meñ phuul aur kāñTe barābar haiñ
mohabbat kyā kareñge dost dushman dekhne vaale

ek nādān dost kī ḳhātir
dushmanoñ se milā huā huuñ maiñ

ḳhush huuñ yā dost se ḳhafā huuñ maiñ
āj-kal kuchh nayā nayā huuñ maiñ

dāman-e-chashm meñ taarā hai na jugnū koī
dekh ai dost mirī be-sar-o-sāmānī ko

mere ham-nafas mere ham-navā mujhe dost ban ke daġhā na de
maiñ huuñ dard-e-ishq se jāñ-ba-lab mujhe zindagī kī duā na de

yūñhī nahīñ hai surūr-e-shab-e-firāq ai dost
kaTī hai raat sitāroñ kā nuur piine meñ

'anvar' ḳhayāl-e-dost meñ likh kar koī ġhazal
takmīl-e-tarjumāni-e-jazbāt kījiye