English
Favourite
Favourite
UrduShayarUrduShayar
Expand menu
Sign inAccount

Tags-Dost

shādāb ho rahā thā ismat kā jin se gulshan
qaa.il haiñ jin kī ismat ke dost aur dushman
Nazm
 pyara watan hamara
agar dushmanī baḳhiya-gar ko nahīñ
to kyuuñ is qadar dost-dār-e-garebāñ
Ghazal
 uDaun na kyun tar-tar-e-gareban
ham bū-e-dost tujh ko suñghā.eñge 'sheftā'
mahv-e-shamīm turra-e-ambar-fishāñ na ho
Ghazal
 hai bad bala kisi ko gham-e-jawedan na ho
sābit qadam haiñ aaj bhī ham apne qaul par
dushman ko ham se dost banāyā na jā.egā
Ghazal
 qissa tabahiyon ka sunaya na jaega
ai dost maiñ ḳhāmosh kisī Dar se nahīñ thā
qaa.il hī tirī baat kā andar se nahīñ thā
Sher
 ai dost main KHamosh kisi Dar se nahin tha
husn daulat dost duniyā dil nazar har ek shai
chhoḌ jā.ūñgā tirī ḳhātir ye sab ai zindagī
Ghazal
 ab ijazat de ki main hun jaan-ba-lab ai zindagi
vo zamānā bhī tumheñ yaad hai tum kahte the
dost duniyā meñ nahiñ 'dāġh' se behtar apnā
Sher
 wo zamana bhi tumhein yaad hai tum kahte the
yahāñ hai rishta-e-anfās meñ tarannum-e-dost
yahāñ latāfat-e-ehsās se ziyāñ hai na suud
Nazm
 waqt-e-murawwat
bahut zaḳhīm kitāboñ se chun ke laayā huuñ
inheñ paḌho varaq-e-intiḳhāb haiñ mire dost
Sher
 bahut zaKHim kitabon se chun ke laya hun
khīñchā jo dushmanī se garebāñ ko dost ne
dāmān-e-ishtiyāq mirā dhajjiyāñ huā
Ghazal
 misre pe un ke misra-e-qad ka guman hua
faqīr dost jo ho ham ko sarfarāz kare
kuchh aur farsh ba-juz boriyā nahīñ rakhte
Ghazal
 koi anis koi aashna nahin rakhte
dost kahtā huuñ tumheñ shā.er nahīñ kahtā 'shu.ūr'
dostī apnī jagah hai shā.erī apnī jagah
Ghazal
 ittifaq apni jagah KHush-qismati apni jagah
ummīd nā-umīd ko un se nahīñ rahī
dushman ke dost haiñ vo hue mere yaar kab
Ghazal
 malte hain hath, hath lagenge anar kab
dost hai vo piiTh par aa.egā neza taan kar
bhaa.ī hai to jā mirī rusvā.ī kā sāmān kar
Ghazal
 dost hai wo piTh par aaega neza tan kar
bazm meñ dekh rañg-e-āmad-e-dost
raushnī thartharā.ī jaatī hai
Ghazal
 humse ulfat jatai jati hai
dost jab se hue hamāre tum
koī dushman burā nahīñ lagtā
Ghazal
 dar kisi ka khula nahin lagta
jo raqīboñ ne kahā tū vahī bad-zan samjhā
dost afsos na samjhā mujhe dushman samjhā
Ghazal
 jo raqibon ne kaha tu wahi bad-zan samjha
ab is maqām par hai mirī zindagī ki hai
har dost ek nāseh-e-mushfiq banā huā
Ghazal
 ab main hun aap ek tamasha bana hua
azal se gosh-e-dil meñ gūñjte haiñ zamzame tere
magar ai dost maiñ ne tujh ko paayā be-nishāñ ab tak
Ghazal
 nahin malum kitne ho chuke hain imtihan ab tak
ab ye ehsās hamesha mujhe hotā hai dost
mujh meñ ik shaḳhs talabgār udāsī kā hai
Ghazal
 jis taraf dekhiye bazar udasi ka hai
Top Urdushayar.com