Tags-Dost

ai dost yahāñ arz-e-hunar jaañ kā ziyāñ hai
tū gahre samundar meñ utar jā.egā āḳhir

aḳhbār se mirī ḳhabar-e-marg ai 'hafīz'
merā hī dost paḌh ke sunā.e to kyā karūñ

agarche dil tirī manzil na ban sakā ai dost
magar charāġh-e-sar-e-rahguzār bhī to nahīñ

aap ko maiñ dost samjhā thā 'nazar'
aap bhī ab tanz farmāne lage

hai abhī tak to faqat sikva-e-dushman ai dost
kahīñ paidā na ho kuchh aur shikāyat dil meñ

tum achchhī dost ho so merā mashvara ye hai
milā-julā na karo 'fāris'-e-ḳharāb ke saath

ai jurm-e-ishq tere gunahgār kyā hue
ai dost tere hijr ke bīmār kyā hue

chehra hai mere dost kā yā koī aa.ina
dekhūñ ulaT-palaT ke to bhī aarsī lage

navāzisheñ tirī mub.ham sahī magar ai dost
ye e'tibār hai kyā kam ki dil-navāz hai tū

vahshat-e-dil kā ye aalam hai ki dushman ho yā dost
jo bhī mil jaatā hai us ke saath ho letā huuñ maiñ

dost ban kar vo dilsitāñ na rahā
chaar din bhī to mehrbāñ na rahā

tū kisī shakl meñ ho maiñ tirā shaidā.ī huuñ terā saudā.ī huuñ
tū agar sham.a hai ai dost maiñ parvāna tirā ya.anī dīvāna tirā

'hafīz' us ko samajh le ḳhuub haiñ ye kaam kī bāteñ
agar rif.at-talab hai jhuk ke mil har dost dushman se

har nafas yaad hai tirī ai dost
aur manshā-e-bandagī kyā hai

zamīn gol hai merī vafāt ne kholā
ki dost ammī se kahte the ye baḌā dukh hai

nibāh āsāñ nahīñ duniyā kī rasm-e-dost-dārī kā
koī dam-sāz hotā hai to ham meñ dam nahīñ hotā

itnī to aarzū hai kabhī yaad kar leñ dost
shāyad kabhī phir aa.e zamāna bahār kā

baiThe be-fikr kyā ho ham-vatano
uTTho ahl-e-vatan ke dost bano

maqām tak bhī ham apne pahuñch hī jā.eñge
ḳhudā to dost hai dushman hazār raah meñ hai

dost haiñ apne mehrbāñ kitne
sañg-bārī hai dishā meñ apnī