Tags-Dost

haqīqatoñ se jo parda uThā huā ma.alūm
ba-nām-e-dost abhī tak sarāb baaqī haiñ

sun ke dushman bhī dost ho jaa.e
shahad se lafz bhī zabān meñ rakh

vo shahr-e-dost bhī
ruḳhsat huā ki jis ne sadā

ik faqat bazm-e-nigārāñ hī pe mauqūf nahīñ
ham sar-e-dār bhī ai dost ġhazal-ḳhvāñ hī rahe

aate jaate log hameñ kyuuñ dost purāne lagte haiñ
chāhat kī is had par yārab ham to divāne lagte hai

mire dost tujh ko hai kyā patā tujhe de rahe haiñ jo mashvara
yahī log jashn manāeñge mirī jiit par tirī haar par

kahte haiñ mere dost mirā haal dekh kar
dushman ko bhī ḳhudā na kare mubtalā-e-rañj

sab dost apnī haal meñ haiñ aap mubtalā
kis se kahūñ maiñ kaun sune mājrā-e-rañj

koī dost hai ki ġhulām hai koī ye bhī tarz-e-kalām hai
vo kahāñ gayā vo kahāñ gayā vo kidhar gayā vo kidhar gayā

ġham-e-zamāna ke maare na rah sake zinda
nigāh-e-dost ne kyā kyā na kī masīhā.ī

shikva zabāñ pe phuul se ahbāb kā ġhalat
ai dost mujh ko to gila-e-ḳhār bhī nahīñ

āsmāñ dene kā ai dost dikhāvā mat kar
mujh ko uḌne kī ijāzat tū tah-e-dām na de

chāhiye hai mujhe inkār-e-mohabbat mire dost
lekin is meñ tirā inkār nahīñ chāhiye hai

farhād o qais o vāmiq o azrā the chaar dost
ab ham bhī aa mile to hue mil ke chaar pāñch

hamā-shumā ko nahīñ dost hī ko bhuul gayā
na bhūlnā thā jise vo usī ko bhuul gayā

maiñ ta.a.īnāt ke uljhāv toḌ hī baiThā
sadā-e-dost sadā-e-alast aisī thī

kūcha-e-dost meñ āhista-ravī ke bā-vasf
dil ye kahtā hai yaañ aur zarā āhista

shanāḳht dost na dushman kī mo'tabar 'maḳhmūr'
har ek shakl hī dhundlī hai kyā kahā jaa.e

vo merā nayā dost ḳhālid
zarā duur taḳhte ke pīchhe khaḌī

sharār-e-mahr-o-nam-e-abr ke taġhayyur tak
visāl-e-dost meñ kyā kyā nazākateñ niklīñ