Tags-Duniya

kahāñ pahuñch ga.ī duniyā use pata hī nahīñ
jo ab bhī maazī ke qisse sunā.e jaatā hai

duniyā-o-dīñ kī jānib mailān ho to kahiye
kyā jāniye ki is bin dil hai kidhar hamārā

jurm-e-ādam tirī pādāsh thī duniyā saarī
āḳhirash har koī haq-dār-e-muāfī Thahrā

kis se ho 'afqar' umīd-e-chārasāzī dahr meñ
jo bhī is duniyā meñ hai majbūr hai majbūr hai

kitnī duniyā thī mire gird tujhe kyā ma.alūm
baḌī mushkil se mujhe terā patā yaad aayā

terī duniyā ko ujāloñ se sajāne ke liye
dil charāġhoñ sā jalāyā hai samundar maiñ ne

ai ḳhudā duniyā pe ab qabza butoñ kā chāhiye
ek ghar tere liye in sab ne ḳhālī kar diyā

uljhī huī zulfeñ ḳhvāb-asar badmast nigāheñ vaj.h-e-baqā
duniyā se magar imkān-e-shab-e-asrār-o-ma.ānī kyā kahiye

letā nahīñ kisī kā pas-e-marg koī naam
duniyā ko dekhnā hai to duniyā se jā ke dekh

ab to ḳhud hī kamāo 'ahsan' jiinā hai jab duniyā meñ
Dhotā hai kab bojh kisī kā koī is mahñgā.ī meñ

natīja ek sā niklā dimāġh aur dil kā
ki donoñ haar ga.e imtihāñ meñ duniyā ke

kaash vo vaqt bhī aa.e duniyā meñ jab
zar pukāre magar koī saa.il na ho

bā-dil-e-nā-ḳhvāsta hañste haiñ duniyā ke liye
varna sach ye hai pashemān-e-tamannā ham bhī haiñ

burā kahe jise duniyā burā nahīñ hotā
mirī nazar meñ vo achchhā dikhā.ī detā hai

Dar na rahā mauj-e-balā kā ruḳh bhī phirā duniyā kī havā kā
ronā kyā hai dukh sāgar kā us ke ham par ehsāñ haiñ

kis dhuum se baḌhtī huī pahuñchī hai kahāñ tak
duniyā ko tirī zulf-e-rasā yaad rahegī

ye aaTh pahr kī duniyā tumheñ batā.ūñ ki kyā hai
nikal ke jism se kuchh der apnī jaan meñ aao

kamāñ na tiir na talvār apnī hotī hai
magar ye duniyā ki har baar apnī hotī hai

zabān chiḌiyoñ kī duniyā samajh nahīñ saktī
qubūl-o-rad kī ye takrār apnī hotī hai

mere zaḳhmoñ kā sabab pūchhegī duniyā tum se
maiñ ne har zaḳhm kī pahchān meñ rakkhā hai tumheñ