Tags-Duniya

junūñ ke saath thoḌī sī fazā-e-lā-makāñ bhī de
mirī vahshat ko is duniyā ke vīrāne se kyā hogā

dil mohabbat diin duniyā shā.irī
har darīche se tujhe dekhā kareñ

junūñ nahīñ hameñ pīchhe lageñ jo duniyā ke
ḳhudā ke bande haiñ ham banda-e-shikam to nahīñ

yahīñ par ḳhatm honī chāhiye thī ek duniyā
yahīñ se baat kā āġhāz honā chāhiye thā

saarī duniyā ke haiñ vo mere sivā
maiñ ne duniyā chhoḌ dī jin ke liye

sabz baaġh aatā hai duniyā kā nazar jab 'ra.anā'
yaad aatī hai bahut hasrat-e-shaddād mujhe

dekhiye to ye jahāñ hai ik jahān-e-āb-o-gil
sochiye to zarre zarre meñ hai ik duniyā yahāñ

dil kī duniyā meñ tujhe lā ke maiñ hairāñ kar duuñ
aa tujhe dard-e-mohabbat se farozāñ kar duuñ

terī tābish se raushan haiñ gul bhī aur vīrāne bhī
kyā tū bhī is hañstī-gātī duniyā kā mazdūr hai chāñd?

ab apnī haqīqat bhī 'saġhar' be-rabt kahānī lagtī hai
duniyā kī haqīqat kyā kahiye kuchh yaad rahī kuchh bhuul ga.e

is diid kī saa.at meñ ka.ī rañg haiñ larzāñ
maiñ huuñ ki koī aur hai duniyā hai ki tum ho

jaan ise chalāne meñ ahrman kī khaptī hai
rāt-din magar duniyā naam terā japtī hai

saarī duniyā ke sitam aur mirā dil tanhā
maiñ ne jhelī hai zamāne meñ ye mushkil tanhā

ye duniyā ek lamhe kā tamāsha
na jaane dūsrā lamha kidhar hai

chand lamhoñ meñ taġhayyur ye nahīñ aayā hai
chhal ko duniyā kā chalan bante hue umr lagī

ham se duniyā to ruuTh baiThī hai
aap hī maan jā.iye sāhib

diin o duniyā se nahīñ hai koī jhagḌā merā
yaanī maiñ in se alag apnī jagah rahtā huuñ

us se bichhaḌ ke ek usī kā haal nahīñ maiñ jaan sakā
vaise ḳhabar to har pal mujh tak duniyā bhar kī aatī rahī

haañ mil liye the us se kahīñ ittifāq se
duniyā ne kaise kaise fasāne banā liye

mumkin jo nahīñ terā duniyā meñ hameñ milnā
mahshar hī meñ mil leñge tujh se tire shaidā.ī