Tags-Duniya

na phalegī tijārat-e-duniyā
hai yahāñ naf.a meñ zarar ai dil

terā hī ho ke jo rah jā.ūñ to phir kyā hogā
ai junūñ aur haiñ duniyā meñ bahut kaam mujhe

maiñ ne duniyā nisār kī jis par

rāhatoñ kā to zikr hī kyā hai
ġham bhī duniyā meñ pā.edār nahīñ

log duniyā ke ḳhud-ġharaz haiñ 'karan'
ye kisī ke bhī ġham-gusār nahīñ

tirī nazar se diloñ ke charāġh jal uTThe
inhīñ charāġhoñ se duniyā ne raushnī paa.ī

gar tarannum par hī 'dānish' munhasir hai shā.irī
phir to duniyā bhar ke shā.ir naġhma-ḳhvāñ ho jā.eñge

ye duniyā sā.ebāñ DhūñDegī phir agle zamānoñ meñ
ki zer-e-āsmāñ ye qahr-e-nazzārā na thā pahle

kahīñ duniyā kahāñ us ke taqāze
vo terā mai-kada ye merā lab hai

tū ne ḳhud talḳh banā rakkhī hai duniyā apnī
zindagī kitnī hasīñ hai tujhe ma.alūm nahīñ

haiñ saare inkishāf apne haiñ saare mumkināt apne
ham is duniyā kā saarā ilm le jā.eñge saat apne

na hogī dilkashī duniyā meñ ik din vo bhī aa.egā
ki saare raaz ugal degī kisī din kā.enāt apne

jis ko paane ke liye mar mar ke jiite haiñ sabhī
qabr tak le kar gayā duniyā kī vo jāgīr kaun

jab ḳhudā ne hī nahīñ likkhā use mere liye
us ko duniyā meñ banā detā mirī taqdīr kaun

dil meñ bhar laayā huuñ mahrūmī-e-duniyā 'sajjād'
aaj bāzār se phir maiñ ne ḳharīdārī kī

niilā ambar chāñd sitāre bachchoñ kī jāgīreñ haiñ
apnī duniyā meñ to bas dīvāreñ hī zanjīreñ haiñ

Dhañg hai samā.at kā rañg hai basārat kā be-tarah-o-be-ma.anī
nañg ke liye dauḌeñ ham bhī saarī duniyā meñ ek jañg jaarī hai

mujh ko duniyā se kyā ġharaz 'afzal'
maiñ to Duubā ḳhayāl-e-yār meñ huuñ

sankaT ke din the to saa.e bhī mujh se katrāte the
sukh ke din aa.e to dekho duniyā mere saath huī

dar-guzre ham aisī zindagī se
duniyā meñ agar farāġh hai ye