Tags-Duniya

ye duniyā to miTe hue us dā.ere kī sūrat kā aks hai
jis meñ sochoñ āñkhoñ aur harfoñ ke lākhoñ dā.ere larzāñ haiñ

hai husūl-e-ārzū kā raaz tark-e-ārzū
maiñ ne duniyā chhoḌ dī to mil ga.ī duniyā mujhe

sunā.ūñ apnī rūdād-e-mohabbat kis ko duniyā meñ
na koī ham-nafas merā na koī rāz-dāñ merā

ham tum hoñ is duniyā meñ
ham ko nahīñ gavārā log

maiñ us ke zarf ke baare meñ aur kyā likkhūñ
jo apne sahn se duniyā ko rahguzar de de

apne qaabū meñ zarā gesu-e-pechāñ rakhnā
raas aatā nahīñ duniyā ko pareshāñ rakhnā

haañ miyāñ duniyā kī cham-ḳham ḳhuub hai apnī jagah
ik zarā ghabrā ga.e haiñ dil kī vīrānī se ham

daulat-e-duniyā kahāñ rakkheñ jagah bhī ho kahīñ
bhar chuke haiñ apnā ghar be-sāz-o-sāmānī se ham

fariyād ai samā.at insāf ai farāsat
karte haiñ ahl-e-duniyā duniyā kī baat mujh se

marg-e-ehsās pe is darja ḳhamoshī duniyā
koī elaan nahīñ koī munādī bhī nahīñ

lāzim hai ehtiyāt ab har lafz-e-guftugū meñ
duniyā ne 'rāz' kis ko rusvā na kar diyā hai

ka.aba o dair meñ ab DhūñD rahī hai duniyā
jo dil o jaan meñ bastā thā ḳhudā aur hī thā

yuuñ na kho jaate fazā-e-yās meñ duniyā ke saath
kaash apnā hī lab-o-lahja rajā.ī dekhte

tauq-e-badan utaar ke pheñkā zamīñ se duur
duniyā ke saath chalne se inkār kar diyā

āshiqāñ ko bolte haiñ ai 'alīm'
ḳhalq duniyā ke divāne vāh-vāh

aañkh raushan ho to duniyā ke añdhere kyā haiñ
rasta mahtāb ko rātoñ kī siyāhī meñ milā

ishq kī duniyā meñ ik hañgāma barpā kar diyā
ai ḳhayāl-e-dost ye kyā ho gayā kyā kar diyā

kār-e-duniyā koī ri.āyat kar
fursat-e-ḳhvāb chāhtā huuñ zarā

jazb-e-nigāh-e-sho.abada-gar dekhte rahe
duniyā unhīñ kī thī vo jidhar dekhe rahe

mile tujh se to duniyā ko suhānī likh diyā ham ne
vagarna kab se us ko be-ma.ānī likh rahe the ham