Tags-Duniya

ho kar duniyā se begāna
dekh rahā thā shahd ke chhatte

ik bas tū hī hai terā
baaqī duniyā daarī hai

hinā-e-pā-e-ḳhizāñ hai bahār agar hai yahī
davām-e-kulfat-e-ḳhātir hai aish duniyā kā

raqs-e-darvesh kā ye silsila duniyā se na joḌ
ham kisī aur hī lazzat ke liye jhūmte haiñ

arbāb-e-fikr-o-phan bhī ta.assub kī zad pe haiñ
duniyā burī to thī magar itnī burī na thī

itnī aañkh to mujh meñ bhī thī
duniyā ko duniyā samjhā thā

tamām daulat-e-duniya-o-dīñ pe bhārī hai
vo dil jo basta-e-hubb-e-anām hai saaqī

sakte meñ haiñ mah-o-mehr dariyā paḌe haiñ be-bahr
hai saḳht ġhair-mauzūñ duniyā zamīn-e-dil par

maano ye ghar na chhoḌo duniyā ko dekhte ho
jo kuchh guzar chukī hai is nā-makīn-e-dil par

rañgīn to bahut hai duniyā magar mahāshay
dhabbe se paḌ ga.e haiñ kuchh āstīn-e-dil par

hiqārat kī nazar se dekhte haiñ log mahfil meñ
ġharīboñ kī bhalā duniyā meñ kyā auqāt hotī hai

kisī ne sach kahā hai ik tamāshā-gāh hai duniyā
khilaunoñ kī magar chābī ḳhudā ke haat hotī hai

ik shahanshāh ne banvā ke hasīñ tāj-mahal
saarī duniyā ko mohabbat kī nishānī dī hai

jis ne duniyā ko ḳhuub dekhā thā
us kī āñkhoñ meñ qahqaha sā thā

aisī duniyā meñ kab tak guzārā kareñ tum hī kah do ki kaise gavārā kareñ
raat mujh se mirī bebasī ne kahā bebasī ke liye ek taaza ġhazal

baḌhtā hī jā rahā hai zamāne kā iztirāb
duniyā ke dard kā koī darmāñ na ho sakā

mirī hairāniyoñ pe muskurā ke mujh se hai kahtā
ye duniyā hai yahāñ sab kuchh mirī sarkār hotā hai

ai ḳhudā maiñ sun rahā huuñ āhaTeñ us vaqt kī
jab tirī duniyā kā har bandā ḳhudā ho jā.egā

saarī duniyā ke masā.il yuuñ mujhe darpesh haiñ
terā ġham kaafī na ho jaise guzar-auqāt ko

yuuñ to sab duniyā meñ duniyā har-ik mahfil meñ hai
maiñ huuñ jis duniyā meñ vo duniyā tumhāre dil meñ hai