Tags-Duniya

zamzama-o-āhañg kī duniyā kyā yaksar vīrān huī
mahfil mahfil hū kā samāñ hai chehra chehra sañg-e-mazār

daavā to kiyā husn-e-jahāñ-soz kā sab ne
duniyā kā magar ruup baḌhāyā tirī chhab ne

varna mushkil baḌī hogī yahāñ duniyā-dārī
dekh insān ko insān se bāñdhe hue rakh

chhuptā phirtā hai ishq duniyā se
phailtī jā rahī hai rusvā.ī

natīja ek sā niklā dimāġh aur dil kā
ki donoñ haar ga.e imtihāñ meñ duniyā ke

un kā ġham mujh ko vadī.at ho gayā
saarī duniyā haath mal kar rah ga.ī

kitne āzād the barsāt ke ḳhud-rav naale
apnī duniyā thī koī pūchhne vaalā hī na thā

shā.irī ne mujhe insān banāyā hai 'ḳhalīl'
maiñ vo shīsha thā ki duniyā se chamaktā hī na thā

ruuTh kar shahr-e-nigārāñ ke chalan se 'zākir'
apnī duniyā hī bahut duur basā lī ham ne

tirī duniyā meñ jañgal haiñ
hare bāġhāt haiñ

duniyā hī kī raah pe āḳhir rafta rafta aanā hogā
dard bhī degā saath kahāñ tak be-dil hī ban jaanā hogā

aur to sab dukh baT jaate haiñ dil ke dard ko kaun baTā.e
duniyā ke ġham bar-haq lekin apnā bhī ġham khānā hogā

maiñ to chup thā magar us ne bhī sunāne na diyā
ġham-e-duniyā kā koī zikr tak aane na diyā

jadīd duniyā meñ aane vāloñ kī pahlī muDbheḌ ham se hotī
hamāre unit kā kaam un ke badan se mohreñ utārnā thā

dil jalā phir ḳhud jale phir saarī duniyā jal uThī
soz laa.e the ba-miqdār-e-par-e-parvāna ham

in ḳhayālāt hī par TuuT paḌī hai duniyā
jin ḳhayālāt ko kal zehn-badar ham ne kiyā

mujhe na rok pā.egī ye duniyā
mujhe lagtā hai Takrā.ūñgā ḳhud se

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

ab tak tirī duniyā kā iqbāl thā rakhvālā
aage tirī duniyā meñ kyā jaane nazar aa.e

sūraj ke dam se bachcho duniyā meñ hai ujālā
sūraj na ho to chehra duniyā kā hogā kaalā