Tags-Aankh

kyā hue aañkh ke parde jo paḌe the ab tak
barmalā hashr meñ kyuuñ aaj ḳhudā baiThā hai

dard kī aañkh se tere ġham kā lahū
ban ke sailāb bahne lagā chār-sū

aañkh uThā dekhiye aur dekh ke hañs bhī diije
apne kājal kī zakāt aur misī-o-pān kī ḳhair

hinā ke qaus-e-quzah ke shajar ke kyā kyā rañg
vo aañkh laa.ī hai zanjīr kar ke kyā kyā rañg

kabhī to shaam Dhale apne ghar ga.e hote
kisī kī aañkh meñ rah kar sañvar ga.e hote

zamīñ kī aañkh ḳhālī hai dinoñ ba.ad
falak par ḳhushk-sālī hai dinoñ ba.ad

aañkh jhapkegī to shīrāza bikhar jā.egā
kis kī āvāz thī jis ne mujhe chauñkāyā hai

hañsā jo phuul to shabnam kī aañkh bhar aa.ī
bahār samjhā jise daur vo ḳhizāñ kā thā

lazzat-e-dīd ḳhudā jaane kahāñ le jaa.e
aañkh hotī hai to hotā nahīñ qaabū dil par

sun chukā huuñ maiñ tirā azm-e-safar
aañkh se merī na hogā nam vidā.a

ham tahayyur khol deñge aañkh se
ki mayassar terī qurbat hai hameñ

diye kī aañkh se jab guftugū nahīñ hotī
vo merī raat kabhī surḳh-rū nahīñ hotī

shab bhar aañkh meñ bhīgā thā
puure din meñ sūkhā ḳhvāb

ḳhush-manzar pe aañkh jamā.e baiThe haiñ ki lagtā hai
rañg koī be-rañg nazar ko dhānī de kar jā.egā

hai rū-kash-e-āftāb zarra baġhair parda bilā-vasīla
vahāñ lagā.ī hai aañkh dil ne jahāñ majāl-e-nazar nahīñ hai

jānib-e-ġhair ishāra jo huā jānte haiñ
ham ne ḳhud aañkh se dekhā ki idhar dekh liyā

roz kahte the kabhī ġhair ke ghar dekh liyā
aaj to aañkh se ai rashk-e-qamar dekh liyā

dil kī aañkh se ḳhair ke saare raushan manzar dekhne vālo!
hadd-e-nazar tak phailī huī sab raushniyoñ saare rañgoñ ko

TūTtā huuñ kabhī juḌtā huuñ maiñ
jāgtī aañkh kā sapnā huuñ maiñ

palkoñ pe kachchī nīñdoñ kā ras phailtā ho jab
aise meñ aañkh dhuup ke ruḳh kaise kholiye