Tags-Aankh

agar ye sach hai ki tū merā ḳhvāb hai to batā
ki aañkh lagte hī mujh ko jhiñjhoḌtā kyuuñ hai

bahut udaas hai dil dostoñ kī mahfil meñ
har ek aañkh meñ chehra-numā hai tanhā.ī

chāñd sitāre TuuT rahe the ḳhvāboñ kī añgnā.ī meñ
aañkh khulī to dekhā ghar kī sab dīvāreñ kaalī thiiñ

ye kahtī hai mast aañkh un kī shab-e-vasl
ka.ī aaj ḳhālī pyāle hue haiñ

kisī par dam-e-hashr kyā aañkh Dālūñ
hasīñ sab mire dekhe-bhāle hue haiñ

dil kī āñkhoñ se nikalte haiñ jo kam kam aañsū
jism kī aañkh meñ aa jaa.eñ na yak-dam aañsū

jaise sāvan meñ kabhī TuuT ke bādal barse
yuuñ baraste haiñ mirī aañkh se chham-chham aañsū

badlī zarā jo tarz-e-ḳhirām-e-sitārgāñ
nuqtoñ meñ aañkh biich sahīfe raqam hue

aañkh jamtī nahīñ lahrāte hue qadmoñ par
kisī naġhme kā talātum hai ki raftār tirī

dard ik jauhar hai paikar se ġharaz rakhtā nahīñ
aañkh meñ aañsū na the lab par ġhazal-ḳhvānī to thī

yād-e-ayyāme koī vaj.h-e-pareshānī to thī
aañkh yuuñ ḳhālī nahīñ thī is meñ hairānī to thī

aañkh se aañkh jab nahīñ miltī
dil se dil ham-kalām hotā hai

aañkh se aañkh aur dil se dil jab milā jaane un kī nigāhoñ ne kyā kar diyā
merī āñkhoñ meñ us roz se ai 'sabā' khiñch ke tasvīr-e-jām-o-subū rah ga.ī

dānā.ī ke shahr ke baasī pāgal-pan ke jañgal meñ
jañgal vaalo aañkh bachā kar aag sī bhaḌkā jā.eñge

man kī aañkh khule to samjho nuur kā ziina chaḌhnā hai
varna tan kī aañkh ke shīshe dhuup meñ dhuñdlā jā.eñge

ḳhaak uḌtī hai lab-bosī ko taare aañkh ko chhū lete haiñ
qurb kā ḳhvāhāñ mujh se zamāna maiñ tanhā huuñ maiñ tanhā huuñ

ashk jo aañkh meñ ubalte haiñ
diip dil ke unhī se jalte haiñ

tum aañkh tak nahīñ malte machā ho jab kohrām
tum aañkh kholte ho sirf vaah dekhne ko

nādim hai bahut tū bhī 'jamāl' apne kiye par
aur dekh le vo aañkh bhī namnāk bahut hai