Tags-Aankh

aañkh un ko dekhtī hai nazārā kiye baġhair
parde meñ chhup ga.e haiñ vo parda kiye baġhair

tujhe jaan kar ye patā chalā tū maqām-e-dīd meñ aur thā
ka.ī marhale haiñ fareb ke mirī aañkh se mire ḳhvāb tak

ye pichhle ishq kī bāteñ haiñ
jab aañkh meñ ḳhvāb damakte the

zer-e-lab aah namī aañkh meñ chup chup tanhā
aise hī hote haiñ ye dard ke maare saare

sab hai zer-e-bahs jo zāhir hai yā poshīda hai
aur nazar se apnī parda aañkh kā bosīda hai

bārhā dekhā hai tū ne āsmāñ kā inqalāb
khol aañkh aur dekh ab hindostāñ kā inqalāb

ik dhuup sī hai jo zer-e-mizhgāñ
vo aañkh abhī uThī nahīñ hai

jo dil kī jhiil hī jazboñ se ho ga.ī ḳhālī
to apnī aañkh meñ āb-e-ravāñ rahegā koī

gar so ga.e to aañkh khulegī na hashr tak
ye sar-zamīñ hai ḳhvāb-fazā jāgte raho

aayā hai ik rāh-numā ke istiqbāl ko ik bachcha
peT hai ḳhālī aañkh meñ hasrat hāthoñ meñ gul-dasta hai

jo hai 'fayyāz' us ko dekh kar mab.hūt hairat kyā
taḌaptī hai jo bijlī aañkh ḳhīra ho hī jaatī hai

kholiye kyā aañkh mānind-e-habāb
turfat-ul-ain aah miT jaate haiñ ham

ḳhvāboñ kī tilsmātī guphāoñ se nikal ke
dekho kabhī vīrāna-e-jāñ aañkh ko mal ke

sohbat kā asar sāhab-e-bīnish ko ho kyūñkar
ainak ho agar sabz na ho jaa.e harī aañkh

jo ahl-e-nazar meñ kabhī ḳhud-bīñ nahīñ hotī
dekho ki hai is aib-e-numāyāñ se barī aañkh

un āñkhoñ meñ sāne.a ne bhare kuuT ke motī
qismat ye hamārī hai ki ashkoñ se bharī aañkh

nargis pe nazar kiije dobāra ki vo kaT jaa.e
ho jaa.e nazar-e-sānī meñ is kī nazarī aañkh

dāman kī tarah chaak hue aañkh ke parde
o dast-e-junūñ se ki ga.ī jāma-darī aañkh

kyā kartī hai dilkash suḳhan ai rashk-e-parī aañkh
lo siikh ga.ī tarz-e-kalām-e-bashrī aañkh

tayyār kiyā ḳhāma-e-mū apne mizha se
khīñcheñge magar naqsha-e-nāzuk kamrī aañkh