Tags-Aankh

ghar se be-parda jo niklūñ to maiñ mujrim Thahrūñ
taar taar aañkh se kar de vo koī baat nahīñ

aañkh merī ulaT ga.ī hogī
ḳhvāb kī umr ghaT ga.ī hogī

palaT ke aañkh meñ vo mauj-e-ḳhūñ nahīñ aa.ī
chaḌhe hue the jo dariyā utar ga.e hoñge

phirte hī us kī aañkh ke vābasta-tar havā
maiñ dil ke saath dil nigah-e-fitna-zā ke saath

ummīd-e-vafā ke pesh-e-nazar maiñ un kī jafā.eñ bhuul gayā
hai mustaqbil par aañkh mirī maazī ko bhulātā jaatā huuñ

ik pal meñ badalte haiñ ḳhad-o-ḳhāl lahū ke
aañkh apne kisī ḳhvāb kī ta.abīr bhī chāhe

ruuTh kar aañkh ke andar se nikal jaate haiñ
ashk bachchoñ kī tarah ghar se nikal jaate haiñ

hamārī aañkh ke aañsū subūt haiñ is kā
hañsī hamāre laboñ ko udhār dī ga.ī hai

diid ho baat na ho aañkh mile dil na mile
ek din koī to puurā mirā armāñ ho jaa.e

phuljhaḌī siskī kī gahrī raat meñ chhūTī nahīñ
jū-e-ḳhūñ koh-e-siyah kī aañkh se phūTī nahīñ

tirī niiñd se baḌī aañkh meñ mujhe tābkār kare kiran
mujhe aisī dhaat kā qalb de jise ḳhauf-e-radd-o-badal nahīñ

vo but binā nigāh jamā.e khaḌā rahā
maiñ aañkh band kar ke use pūjtā rahā

koī majnūñ kī aañkh se dekhe
kis qadar nuur rū-siyāh meñ hai

aañkh bhar ke ek muddat se jise dekhā nahīñ
vo sitamgar kis qadar dil se mire nazdīk hai

ye sarāboñ kī sharārat bhī na ho to kyā ho
aañkh meñ hairat o vahshat bhī na ho to kyā ho

khul ga.ī hai aañkh to chādar banā kar dekh le
tere kamre hī meñ in ḳhvāboñ kī ra.anā.ī na ho

fikr-e-'misdāq' ne hai ḳhaas masāfat kar lī
aap kī aañkh bhī is jhiil tak aa pahuñchī hai

'āzmī' apnī ye duniyā ho jaise koī bhūl-bhulayyāñ
dhund meñ lipTe ḳhvāboñ hī se āñkh-mīcholī khel rahā huuñ

muñd ga.ī aañkh hai añdherā paak
raushnī hai so yaañ mire dam se

aañkh se dil kī taraf dauḌe vo mai piite haiñ ham
ham vo mai-kash haiñ ki saaqī le ke jaam aayā to kyā