Tags-Ehsaas

hue jab aap se bāhar phir ehsās-e-duī kaisā
pata manzil kā miltā hai inhīñ gum-karda rāhoñ se

ab kisī huur meñ baaqī nahīñ ehsās-e-kashish
mere sar par kisī aaseb kā saaya bhī nahīñ

tere hāthoñ kī harārat tire sāñsoñ kī mahak
tairtī rahtī hai ehsās kī pahnā.ī meñ

ho tirā ishq mirī zaat kā mehvar jaise
usī ehsās kī maiñ ho ga.ī ḳhūgar jaise

maiñ nāzuk ehsās likhūñ to bojh tale vo dab jaatī hai
lafz javāban patthar bāñdhe vo likhtī hai maiñ paḌhtā huuñ

nahā.īñ shiddat-e-ehsās ke ujāle meñ
samā.ateñ mire soz-e-navā ko chhūte hī

banā ke ḳhūgr-e-ehsās-e-dard-o-ġham-e-dil ko
hamāre paas se saare hujūm-e-yās chale

nadāmat sā.ateñ aa.iiñ to ye ehsās bhī jaagā
ki apnī zaat ke andar bhī thoḌā sā ḳhalā hotā

qurb hī kam hai na duurī hī ziyāda lekin
aaj vo rabt kā ehsās kahāñ hai ki jo thā

ehsās-e-mohabbat se kisī gosha-e-dil meñ
jab choT ubhar aa.e to lagtā hai ki tum ho

kaT ga.ī umr koī yaad na manzar na ḳhayāl
ek be-nām sā ehsās-e-ziyāñ baaqī hai

shahr-e-ehsās thā vo ḳhud bhī 'nigār'
but-kada dil kā jo Dhāyā maiñ ne

bhīgī āñkheñ ye batātī haiñ ki sun kar mirā haal
kuchh na kuchh tujh ko bhī ehsās huā hai to sahī

vo yuuñ gayā ki bād-e-sabā yaad aa ga.ī
ehsās tak bhī ham ko dilā kar nahīñ gayā

jaise hoñ lāsheñ dafn purāne khañDar kī buniyād tale
ehsās dabe haiñ kitne hī mirī nā-gufta rūdād tale

ehsās kī ragoñ meñ utarne lagā hai vo
ab buuñd buuñd mujh meñ bikharne lagā hai vo

'farhat-ehsās' uThā ye dastar-ḳhvān
luqma-e-qahr ho chukā mirā dil

biich sāgar meñ to the hausle maujoñ se buland
aur sāhil pe ik ehsās-e-ziyāñ raqs meñ hai

khiñchī raheñgī saroñ par agar ye talvāreñ
matā-e-zīst kā ehsās baḌhtā jā.egā

vo dard ko chintā thā palkoñ se sitāroñ ko
naġhmoñ meñ badaltā hai ehsās ke lab chhū ke