Tags-Ehsaas

ḳhauf-e-ehsās-e-nadāmat ko miTāne ke liye
raat Dhal jaa.e to ghar jaane ko jī chāhtā hai

duniyā meñ yahī soch ke zinda huuñ maiñ 'afzal'
ehsās to baḳhshā hai mujhe mere ḳhudā ne

aaj magar siine meñ ye ehsās dhaḌaktā hai paiham
maiñ us daur kā insāñ huuñ jis meñ saare insānoñ ne

faqat mere ehsās kī yaḳh-bastagī
chupke chupke

ik aag sī jaltī rahtī hai rag rag meñ mirī
ik be-ma.anī sā dard mirā ehsās jagātā rahtā hai

ḳhirad kī saañs bhī ruk jaatī hai tīra-ḳhayālī se
tah-e-ehsās nādīda balā bhī aa hī jaatī hai

ehsās kī kiran se lahū garm ho gayā
sochoñ ke dā.eroñ meñ tirī yaad baT ga.ī

ek dīvār se mil jaatā hai saaya bhī hameñ
aur chāheñ to kuchh ehsās-e-ham-āġhoshī bhī

ki jis ke dard kā ehsās tere jaisā ho
kabhī kabhī mirī fitrat ko aisā ghaav bhī de

mere dil ko mire ehsās ko chhū jaatī thī
bhīge bhīge tire bāloñ kī vo ḳhushbū bhī nahīñ

kuchh ḳhud bhī huuñ maiñ ishq meñ afsurda o ġhamgīñ
kuchh talḳhi-e-hālāt kā ehsās huā hai

soch kī chiñgāriyāñ uḌtī haiñ yuuñ
jaise dil par choT paḌtī ho kisī ehsās kī

haa.e be-dād-e-mohabbat ki ye iiñ barbādī
ham ko ehsās-e-ziyāñ bhī to nahīñ hotā hai

kuchh to so.e hue ehsās ke baazū thirke
ab ke paanī kā bhañvar tā-ba-kamar to aayā

kis ke paikar meñ samātā mire ehsās kā loch
maiñ ne insāñ se ḳhajil ho ke tarāshā patthar

ik haqīqat haiñ mirī tanhā.iyāñ
ek ehsās-e-ḳhudā hai ird-gird

tere dil meñ bhī mohabbat kī harārat na rahī
merā sarmāya-e-ehsās bhī muTThī-bhar hai

ye jashn mubārak ho par ye bhī sadāqat hai
ham log haqīqat ke ehsās se aarī haiñ

ehsās-e-ḳhushī miT jaatā hai afsurda tabī.at hotī hai
dil par vo ghaḌī bhī aatī hai jab ġham kī zarūrat hotī hai

be-chhue ik lams kā ehsās ik ḳhāmosh baat
us ke mere biich āḳhir thā bhī kyā kuchh bhī nahīñ