Tags-Election

hayāt-o-hijr kā ḳhud maiñ ne intiḳhāb kiyā
maiñ qaid kab thā jo maiñ qaid se rihā na huā

ḳhvāboñ kā intiḳhāb badaltā dikhā.ī de
kaash ab ki iḳhtiyār sañvartā dikhā.ī de

nuqta-e-ḳhāl se tirā abrū
bait ik intiḳhāb kī sī hai

zamāne-bhar kī nazar se jo bach gayā yaaro
vo shaḳhs merī nigāhoñ ke intiḳhāb meñ thā

bas ik hunar tah-ba-tah munavvar
bas ik suḳhan intiḳhāb meñ thā

visāl-o-hijr se maiñ kis kā intiḳhāb karūñ
yahāñ pe ḳhud se mujhe ḳhauf ishtibāh kā hai

uf ye itaab pahle hī ḳhat ke javāb meñ
dhokā mujhe zarūr huā intiḳhāb meñ

hamārā intiḳhāb achchhā nahīñ ai dil to phir tū hī
ḳhayāl-e-yār se behtar koī mehmān paidā kar

jabhī to ḳhud aaj shahr ke gul-ruḳhoñ kī tārīf kar rahe haiñ
vo intiḳhāb-e-nazar ko mere ab āzmānā bhī chāhte haiñ

tamām shahr kī āñkhoñ kā māhtāb huā
maiñ jab se us kī nigāhoñ meñ intiḳhāb huā

merī barbādiyoñ pe mat jaao
un nigāhoñ kā intiḳhāb huuñ maiñ

havas kī baaḌh har ik bāñdh toḌnā chāhe
nazar kā husn magar intiḳhāb māñge hai

raste kā intiḳhāb zarūrī sā ho gayā
ab iḳhtitām-e-bāb zarūrī sā ho gayā

phailā chuke haiñ firqa-parastī kā zahr vo
aa.e haiñ sāmne jo adad intiḳhāb ke

varaq varaq pe sajā.ī hai ḳhuun kī tahrīr
ki sher sher nayā intiḳhāb le ke chale

use na dekh mahaktā huā gulāb hai vo
na jaane kitnī nigāhoñ kā intiḳhāb hai vo

aatā nahīñ kasī pe dil-e-bad-gumāñ 'azīz'
jamtī nahīñ kasī pe nazar intiḳhāb kī

sharm hai tarz-e-talāsh-e-intiḳhāb-e-yak-nigāh
iztirāb-e-chashm barpā doḳhta-ġhammāz hai

rah-e-talab meñ na kar is tarah ḳharāb mujhe
Thaharne de kahīñ ai chashm-e-intiḳhāb mujhe

ai barq kyā hamīñ ko miTānā chaman meñ thā
thā aur āshiyāñ na koī intiḳhāb meñ