Tags-Etibaar

is but se kar ke zikr-e-vafā haa.e kyā kiyā
ik pech Daal dī dil-e-be-e'tibār meñ

bas ab tamām ho ye vahm o e'tibār kā khel
bisāt ulaT dī sabhī saarā kaam kar liyā hai

kahe jā.eñge dard-e-dil ham apnā
kisī ko e'tibār aa.e na aa.e

yaas kahtī hai kuchh tamannā kuchh
kis kī bātoñ pe e'tibār aa.e

kyā kyā diye fareb har ik e'tibār ne
apnā banā diyā hai tire intizār ne

rusvā na e.atibār-e-taġhāful ko kījiye
kyā fā.eda ki pursish-e-dil gaah gaah ho

kis baat par tirī maiñ karūñ e'tibār haa.e
iqrār yak taraf hai to inkār yak taraf

ye rahguzar to tamāzat ke shahr ko jaa.e
kahīñ jale na bahishtoñ ke e'tibār meñ tū

apnā kise banā.eñ kareñ kis kā e'tibār
naale bhī un ke halqa-ba-gosh-e-asar mile

har-gām par fareb diye jis nasīb ne
phir us pe e.atibār muqaddar kī baat hai

itnā to dil-fareb na thā dām-e-zindagī
le aa.e e'tibār ke sāñche meñ Dhaal kar

tumhāre sar kī qasam khā ke dard dil kā kahūñ
jo mere likhne kā yuuñ tum ko e'tibār na ho

nahīñ kuchh e'tibār ab qufl o darbāñ kā kabhī ham bhī
paḌosī ke bharose par khulā ghar chhoḌ jaate the

koī va.ada jis kā ma.anī-āshnā hotā nahīñ
phir usī va.ada-shikan par e'tibār aa hī gayā

kisī ko apnī nigāhoñ pe e.atibār na thā
hameñ hamārī tarah kaise dekhtā koī

kyā qayāmat hai ki apne des meñ
e'tibār-e-jism-o-jāñ kuchh bhī nahīñ

vo shoḳh be-e'tibār kāfir rahā na tanhā gayā na tanhā
jo dard uTThā uThā uThā kar to dil ko baiThā biThā biThā kar

bevafā ke va.ade par e.atibār karte haiñ
vo na aa.egā phir bhī intizār karte haiñ

ishq kā e.atibār haiñ ham log
zindagī kā vaqār haiñ ham log

guloñ ko loriyāñ detā thā e'tibār-e-bahār
chaman meñ sabza-e-begāna pā rahā thā numūd